TG Criminal Act: నూతన క్రిమినల్ చట్టాల అమలుపై కేంద్ర హోం..

TG Criminal Act: హైదరాబాద్: దేశ వ్యాప్తంగా ఏడాది క్రితం అమల్లో వచ్చిన నూతన క్రిమినల్ (TG Criminal Act) చట్టాలు తెలంగాణలో ఏ విధంగా అమలవుతున్నాయనే దానిని పరిశీలించేందుకు కేంద్ర హోంశాఖ ప్రత్యేక ప్రతినిధుల బృందం మంగళవారం నాడు హైదరాబాద్కు విచ్చేసింది. ఈ సందర్భంగా ఈ బృందం రాష్ట్ర ఉన్నతాధికారులతో భేటీ అయ్యింది. బంజారాహిల్స్ లోని కమాండ్ కంట్రోల్లో జరిగిన ఈ భేటీలో కేంద్ర హోం శాఖ కార్యదర్శి గోవింద్ మోహన్, రాష్ట్ర చీఫ్ సెక్రటరీ రామకృష్ణ రావు, హోం శాఖ ప్రత్యేక కార్యదర్శి రవి గుప్తా, డిజిపి జితేందర్, సిటీ కొత్వాల్ ఆనంద్ సహా కేంద్ర హోంశాఖ తరపున జాయింట్ సెక్ర టరీలు, ఎన్ఎ ఆర్బి, బిపిఆర్ అండ్ బి, ఎన్ఐఐసి విభాగాల అధికారులు పాల్గొన్నారు. ఈ సందర్భంగా కేంద్రహోంశాఖ కార్యదర్శి గోవింద్ మోహన్ (Govind Mohan) రాష్ట్రంలో నూతన క్రిమినల్ చట్టాల అమలుగురించి డిజిపి జితేందరన్ను అడిగి తెలుసుకున్నారు. ఐపిసిల స్థానంలో వచ్చిన కొత్త చట్టాల అమలులో ఎక్కడా ఇబ్బందులు లేకుండాచూడాలని ఈ సందర్భంగా ఆయన రాష్ట్ర ఉన్నతాధికారులను కోరారు. అనంతరం డిజిపి జితేందర్ (DGP Jitender) మాట్లాడుతూ రాష్ట్రంలో నూతన క్రిమినల్ చట్టాల అమలు పక్కాగా జరుగుతుందని తెలిపారు. ఇందుకు సంబంధించిన వివరాలను ఆయన అందించారు. దీంతో పాటు తెలంగాణ పోలీసులు ఇటీవల కాల ంలో సాధించిన విజయాలను డిజిపి కేంద్ర హోం శాఖ ప్రతినిధుల బృందానికి వివరించారు. దీంతో పాటు రాష్ట్ర పోలీసు కేడర్కు సంబంధించిన వివరాలు శాంతి భద్రతల నిర్వహణ, ఇటీవల కాలంలో భద్రతకు సంబంధించి పలు అంశాలలో పోలీసు శాఖకు ఎదురైన సవాళ్లను ఎలాఅధిగమించామనే దానిపైనా డిజిపి జితేందర్ వివరించారు.

భారతదేశంలో కొత్త క్రిమినల్ చట్టాలు?

భారతదేశంలో 2023లో క్రిమినల్ చట్టాలలో సంస్కరణలకై మూడు కొత్త చట్టాలు తీసుకొచ్చారు — భారత న్యాయ స్మృతి, భారత సాక్ష్య చట్టం, భారత శిక్షా స్మృతి. ఇవి 2024 జులై 1 నుండి అమల్లోకి వచ్చాయి.

పాత క్రిమినల్ చట్టాలు మరియు కొత్త క్రిమినల్ చట్టాలు మధ్య తేడా ఏమిటి?

పాత క్రిమినల్ చట్టాలు బ్రిటిష్ కాలంలో రూపొందించబడినవి, శిక్షలపైనే ఎక్కువగా దృష్టి సారించేవి. కొత్త చట్టాలు బాధితుల హక్కులకు ప్రాధాన్యం ఇస్తూ, ఫాస్ట్ ట్రాక్ న్యాయం కోసం మౌలిక మార్పులు చేయబడ్డాయి.

Read hindi news: hindi.vaartha.com/