మెగా అభిమానులను మరోసారి నిరాశ పరచబోతుంది గేమ్ ఛేంజర్ టీం. ఇప్పటికే ప్రమోషన్ విషయంలో నిరాశ పరుస్తూ వస్తుండగా…ఇక ఇప్పుడు రిలీజ్ విషయంలో కూడా పెద్ద షాక్ ఇవ్వబోతున్నట్లు వినికిడి. డైరెక్టర్ శంకర్ (Shankar) – మెగా పవర్ స్టార్ రామ్ చరణ్ (Ram CHaran) కలయికలో తెరకెక్కుతున్న మూవీ గేమ్ ఛేంజర్. దిల్ రాజు నిర్మాణంలో పాన్ ఇండియా మూవీ గా భారీ బడ్జెట్ తో రూపుదిద్దుకుంటుంది.
మొన్నటి వరకు ఈ మూవీ ని క్రిస్మస్ కానుకగా డిసెంబర్ 25 న రిలీజ్ చేయబోతున్నట్లు ప్రచారం జరిగింది. అభిమానులు కూడా అదే ఫిక్స్ అయ్యారు. కానీ ఇప్పుడు సంక్రాంతికి రిలీజయ్యే అవకాశం ఉందని సినీవర్గాలు పేర్కొన్నాయి. క్రిస్మస్కి బదులు సంక్రాంతికి రిలీజ్ చేస్తే సెలవులు కలిసొస్తాయని మేకర్స్ అనుకుంటున్నట్లు తెలిపాయి. జనవరి 10న ఈ చిత్రం రిలీజ్ కానున్నట్లు సమాచారం. ఇక వెంకటేశ్-అనిల్ రావిపూడి మూవీ జనవరి 14న విడుదలవనుండగా, మెగాస్టార్ ‘విశ్వంభర’ ఉగాదికి వచ్చే అవకాశం ఉంది. దీనిపై అధికారిక ప్రకటన రావాల్సి ఉంది.