సాధారణంగా మహిళల్లో డిప్రెషన్ కేసులు పురుషులతో పోల్చితే రెండింతలు ఎక్కువగా కనిపిస్తాయని అనేక అధ్యయనాలు ఇప్పటికే సూచించాయి. తాజాగా ‘నేచర్ కమ్యూనికేషన్స్’ పత్రికలో ప్రచురితమైన ఒక అంతర్జాతీయ పరిశోధన ఈ అంశానికి కొత్త శాస్త్రీయ ఆధారం అందించింది. ఈ అధ్యయనం ప్రకారం, మహిళల్లో పురుషుల కంటే సుమారు 6,000 అదనపు జీన్ వేరియంట్స్ (Gene Variants) ఉన్నాయని, అవే డిప్రెషన్ రిస్క్ పెరుగుదలకు ప్రధాన కారణమని తేలింది. ఈ జన్యు మార్పులు మహిళల మెదడు రసాయన సమతౌల్యం, హార్మోన్ల ప్రభావం, మరియు భావోద్వేగ నియంత్రణ వ్యవస్థలపై గణనీయమైన ప్రభావం చూపుతాయని శాస్త్రవేత్తలు పేర్కొన్నారు.
Jiobharat New Phone : జియో భారత్ కొత్త ఫోన్.. ఫీచర్లు అదిరిపోయాయి
పరిశోధకులు చెబుతున్నదేమిటంటే .. ఈ జీన్ వేరియంట్స్ పూర్తిగా కొత్తవి కాకపోయినా, మహిళల్లో ఎక్కువగా చురుకుగా పనిచేస్తున్నాయని గుర్తించారు. ఇవి సెరోటొనిన్, డోపమైన్ వంటి మెదడు రసాయనాల ఉత్పత్తి, సమతౌల్యాన్ని ప్రభావితం చేస్తాయి. ఈ మార్పులు కారణంగా మహిళల్లో మూడ్ స్వింగ్లు, ఆందోళన, నిరుత్సాహం వంటి సమస్యలు ఎక్కువగా కనిపిస్తాయని అధ్యయనం స్పష్టం చేసింది. ముఖ్యంగా, పుబర్టీ, గర్భధారణ, మరియు మెనోపాజ్ వంటి హార్మోనల్ దశల్లో ఈ జన్యు ప్రభావం మరింత స్పష్టమవుతుందని కూడా వివరించింది.
శాస్త్రవేత్తల అభిప్రాయం ప్రకారం, ఈ జీన్ వేరియంట్స్ వారసత్వంగా తల్లిదండ్రుల నుంచి వచ్చే అవకాశం ఉన్నప్పటికీ, పర్యావరణ ప్రభావాలు, ఒత్తిడి, జీవనశైలి కారణంగా సహజంగానూ ఉత్పత్తి కావచ్చని తేలింది. ఈ అధ్యయనం భవిష్యత్తులో మహిళల మానసిక ఆరోగ్య చికిత్సల్లో కొత్త మార్గాలను తెరవగలదని నిపుణులు చెబుతున్నారు. ప్రత్యేకంగా, జన్యు ఆధారిత థెరపీలు మరియు పర్సనలైజ్డ్ మెడికల్ ట్రీట్మెంట్స్ ద్వారా మహిళల్లో డిప్రెషన్ నివారణకు శాస్త్రీయ పద్ధతులు అభివృద్ధి చేయవచ్చని పరిశోధకులు ఆశాభావం వ్యక్తం చేశారు. మొత్తంగా, ఈ అధ్యయనం మహిళల మానసిక ఆరోగ్యంపై జెనెటిక్ ఫ్యాక్టర్స్ ఎంత ప్రభావం చూపుతాయో సుస్థిరమైన ఆధారాలతో నిరూపించింది.
Read hindi news: https://hindi.vaartha.com
Epaper : https://epaper.vaartha.com/