అమ్మకాల్లో ఆపిల్ ఐఫోన్స్‌ సరికొత్త రికార్డ్

అమ్మకాల్లో ఆపిల్ ఐఫోన్స్‌ సరికొత్త రికార్డ్

ప్రపంచవ్యాప్తంగా స్మార్ట్‌ఫోన్స్ రంగంలో ఆపిల్ ఐఫోన్స్‌కు ఉన్న క్రేజ్ అంతా ఇంతా కాదు. ముఖ్యంగా ఈ స్మార్ట్ ఫోన్స్‌లోని భద్రతా ఫీచర్స్ యూజర్లను అమితంగా ఆకట్టుకుంటాయి. అయితే ఇటీవల కాలంలో భారతదేశంలో ఐఫోన్ల తయారీను ఆపిల్ కంపెనీ మొదలు పెట్టాక సేల్స్ అమాంతం పెరిగాయని పలు నివేదికలు వెల్లడిస్తున్నాయి. ఈ నేపథ్యంలో అమ్మకాల్లో ఆపిల్ కంపెనీ రికార్డుల గురించి మరిన్ని వివరాలను తెలుసుకుందాం. ఆపిల్ ఐఫోన్ అమ్మకాల్లో ఈ సంవత్సరం 11 బిలియన్ల డాలర్ల ఆదాయాన్ని ఆర్జించగలదని అంచనా వేస్తున్నారు. గత సంవత్సరం 9 బిలియన్ల డాలర్ల మాత్రమే ఆదాయం ఆర్జించిందని పలువురు నిపుణులు చెబుతున్నారు. ముఖ్యంగా ఇటీవల లాంచ్ చేసిన ఆపిల్ ఐఫోన్ 16ఈ ద్వారా ఈ స్థాయి అమ్మకాలు సాధ్యమవుతాయని పేర్కొంటున్నారు.

Advertisements
అమ్మకాల్లో ఆపిల్ ఐఫోన్స్‌ సరికొత్త రికార్డ్


మార్కెట్‌లోకి 16ఈ లాంచ్
ఆపిల్ ఐఫోన్ 16 కంటే రూ. 20,000 తక్కువ ధరతో 16ఈ భారతదేశం వంటి అభివృద్ధి చెందుతున్న మార్కెట్‌లో లాంచ్ చేసింది. ఆపిల్ గత సంవత్సరం భారతదేశంలో దాదాపు 12 మిలియన్ ఐఫోన్‌లను విక్రయించింది. ఈ సంఖ్య వివో, శామ్‌సంగ్ కంటే చాలా తక్కువ. కానీ ఐఫోన్ అమ్మకపు ధర పరిశ్రమ సగటు కంటే దాదాపు మూడు రెట్లు ఎక్కువగా ఉండడం గమనార్హం. అందువల్ల ఆపిల్ భారతదేశంలో అత్యధికంగా రెవెన్యూ సంపాదించే స్మార్ట్‌ఫోన్ బ్రాండ్‌గా నిలిచింది.
గట్టి పోటినిస్తున్నది
కొత్త ఐఫోన్ 16ఈ ధరతో పాటు ఫీచర్ల పరంగా వివో, శామ్‌సంగ్ కంపెనీ ఫోన్లకు గట్టి పోటినిస్తుందని నిపుణులు చెబుతున్నారు. కాబట్టి ఆపిల్ ఈ సంవత్సరం దాదాపు 15 మిలియన్ యూనిట్ల ఐఫోన్‌లను విక్రయించే అవకాశం ఉందని అంచనా వేస్తున్నారు. ఐఫోన్ 16ఈ 6.1-అంగుళాల సూపర్ రెటినా ఎక్స్‌డీఆర్ ఓఎల్ఈడీ డిస్‌ప్లే, ఏరోస్పేస్ గ్రేడ్ అల్యూమినియం ఫ్రేమ్, గ్లాస్ బ్యాక్‌‌తో ఆకట్టుకుంటుంది. ముఖ్యంగా ఈ ఫోన్ క్లాసిక్ బ్లాక్ అండ్ వైట్ కలర్ ఆప్షన్‌లలో అందుబాటులో ఉంటుంది.
అధునాతన రైటింగ్ టూల్స్
ముఖ్యంగా ఆపిల్ ఇంటెలిజెన్స్ ఫీచర్ ద్వారా అధునాతన రైటింగ్ టూల్స్, విజువల్ ఇంటెలిజెన్స్ వంటి ఏఐ ఆధారిత లక్షణాలు యూజర్లు అనుభూతి చెందుతారు. అదనపు ఫీచర్ల విషయానికి వస్తే యాక్షన్ బటన్, ఫేస్ ఐడీ, యూఎస్‌బీ టైప్ సీ పోర్ట్ వంటివి ఆకట్టుకుంటాయి. భారతదేశంలో ఐఫోన్ 16ఈ 128 జీబీ వేరియంట్ ధర రూ.59,900, 256 జీబీ వేరియంట్ ధర రూ.69,900, 512 జీబీ వేరియంట్ ధర రూ.89,900గా ఉంటుందని నిపుణులు అంచనా వేస్తున్నారు. ఈ ఫోన్‌ను ఫిబ్రవరి 21న ప్రీ-ఆర్డర్లు ప్రారంభం కాగా ఫిబ్రవరి 28న ఈ ఫోన్ డెలివరీలు ప్రారంభం అవుతాయి.

Related Posts
లోయలో పడ్డ బస్సు.. ఏడుగురు మృతి

మహారాష్ట్రలోని నాసిక్-గుజరాత్ హైవేపై ఆదివారం ఉదయం ఘోర రోడ్డు ప్రమాదం జరిగింది. ఒక లగ్జరీ బస్సు అదుపు తప్పి 200 అడుగుల లోతులోని లోయలో పడిపోయింది. ఈ Read more

కోర్టు ఉత్తర్వులను ధిక్కరిస్తున్న ట్రంప్ పాలన
ట్రంప్ ఇరాన్‌పై కఠిన హెచ్చరిక: "ఒప్పందం కుదుర్చుకోకపోతే, బాంబులు పేలుతాయి"

ట్రంప్ పరిపాలన, ఫెడరల్ కోర్టు ఉత్తర్వులున్నప్పటికీ, విదేశీ సహాయాన్ని నిలిపివేస్తూనే ఉందని గురువారం ఫెడరల్ న్యాయమూర్తి అమీర్ H. అలీ పేర్కొన్నారు. సమగ్ర సమీక్ష పేరిట, ట్రంప్ Read more

బాబా రాందేవ్‌పై అరెస్ట్‌ వారంట్‌
Arrest warrant for Baba Ramdev

తిరువనంతపురం : పతంజతి ఆయుర్వేద్‌ ప్రజలను తప్పుదోవపట్టించే ప్రకటనలు ఇస్తోందని దాఖలైన ఫిర్యాదుపై కేరళలోని పాలక్కడ్‌ జిల్లా కోర్టు బాబా రామ్‌దేవ్‌, ఆయన సన్నిహితుడు ఆచార్య బాలకృష్ణలపై Read more

రష్యా అధ్యక్షుడు పుతిన్ భారత్ పర్యటన..
modi putin

రష్యా అధ్యక్షుడు వ్లాదిమిర్ పుతిన్ భారత్ పర్యటనకు రానున్నారు. ఈ పర్యటన గురించి క్రెమ్లిన్ ప్రెస్ కార్యదర్శి డిమిత్రి పెస్కోవ్ మంగళవారం అధికారికంగా ప్రకటించారు. ప్రస్తుతం, పుతిన్ పర్యటనకు Read more