ఆంధ్రప్రదేశ్ (Andhra Pradesh) రాష్ట్ర ప్రభుత్వం ప్రజల ఆరోగ్యానికి, మానసిక శాంతికి ప్రాధాన్యత ఇస్తూ ‘యోగాంధ్ర’ (Yogandhra)పేరుతో యోగా పై విస్తృత ప్రచార కార్యక్రమాలు నిర్వహిస్తోంది. దీనిలో భాగంగా జూన్ 21, అంతర్జాతీయ యోగా దినోత్సవాన్ని (International Yoga Day) పురస్కరించుకుని విశాఖపట్నంలో విశేషంగా ‘వాకథాన్’ ను నిర్వహించారు.
వాకథాన్‌కు విశేష స్పందన
ఈరోజు ఉదయం విశాఖపట్నంలోని బీచ్ రోడ్డులో జరిగిన వాకథాన్‌కు ప్రజల నుంచి విశేష స్పందన లభించింది. ‘యోగాంధ్ర’ కార్యక్రమంపై ప్రజల్లో అవగాహన పెంచే లక్ష్యంతో ఈ వాకథాన్‌ను చేపట్టారు. విశాఖపట్నంలోని ఆంధ్ర విశ్వవిద్యాలయం (ఏయూ) కన్వెన్షన్ హాల్ నుంచి విశ్వప్రియ ఫంక్షన్ హాల్ వరకు ఈ వాకథాన్ కొనసాగింది.
యోగాసన ప్రదర్శనలో మంత్రులు, అధికారులు
వాకథాన్ అనంతరం విశ్వప్రియ ఫంక్షన్ హాల్ వద్ద ప్రత్యేకంగా నిర్వహించిన యోగా ప్రదర్శన కార్యక్రమంలో మంత్రులు, అధికారులు ప్రజలతో కలిసి యోగాసనాలు చేశారు. రాష్ట్ర మంత్రులు డీవీబీ స్వామి, సత్యకుమార్‌, బీసీ జనార్దన్‌రెడ్డి, సవిత ఈ కార్యక్రమానికి హాజ‌ర‌య్యారు. వారితో పాటు యోగా దినోత్సవ నోడల్ అధికారి కృష్ణబాబు, విశాఖ జిల్లా కలెక్టర్ హరేంధిర ప్రసాద్, పెద్ద సంఖ్యలో స్థానికులు పాల్గొన్నారు.
‘యోగాంధ్ర’ ద్వారా యోగా పై అవగాహన
‘యోగాంధ్ర’ కార్యక్రమం రాష్ట్ర వ్యాప్తంగా ప్రజల్లో యోగా పై అవగాహన పెంపొందించేందుకు చేపట్టిన వినూత్న ప్రచార యజ్ఞంగా మారింది. వాకథాన్ ముగిసిన అనంతరం విశ్వప్రియ ఫంక్షన్ హాల్ ప్రాంగణంలో ప్రత్యేక కార్యక్రమం ఏర్పాటు చేశారు. ఇక్కడ మంత్రులు, అధికారులు ప్రజలతో కలిసి వివిధ యోగాసనాలను వేశారు. యోగా ద్వారా శారీరక, మానసిక ఆరోగ్యం చేకూరుతుందని, ప్రతి ఒక్కరూ దైనందిన జీవితంలో యోగాను భాగం చేసుకోవాలని ఈ సందర్భంగా మంత్రులు పిలుపునిచ్చారు. ఈ కార్యక్రమం ‘యోగాంధ్ర’ లక్ష్యాలను ప్రజలకు మరింత చేరువ చేసిందని నిర్వాహకులు భావిస్తున్నారు.
Read also: Nadendla Manohar: ఆయిల్ ఫామ్ సాగును ప్రోత్సహిస్తాం: మంత్రి నాదెండ్ల మనోహర్
