AP Local Body Elections : ఆంధ్రప్రదేశ్‌లోని పట్టణ స్థానిక సంస్థల్లో (ULBs) ఎన్నికల నిర్వహణకు రాష్ట్ర ఎన్నికల సంఘం (SEC) సన్నాహాలను వేగవంతం చేసింది. ఇప్పటికే డీలిమిటేషన్ ప్రక్రియ పూర్తయిన 58 మున్సిపాలిటీలు, విజయనగరం కార్పొరేషన్‌లో ఓటర్ల జాబితాలను ప్రచురించగా, తాజాగా మిగిలిన 12 మున్సిపల్ కార్పొరేషన్లు (విశాఖ, విజయవాడ, గుంటూరు, తిరుపతి తదితర) మరియు 29 మున్సిపాలిటీలు/నగర పంచాయతీలకు సంబంధించి వార్డుల వారీగా ఫొటో ఓటర్ల జాబితాల తయారీకి ఎస్‌ఈసీ నోటిఫికేషన్ జారీ చేసింది. ఈ 41 పట్టణ స్థానిక సంస్థల్లో సెప్టెంబర్ 22న ఫారం-1 నోటీసుతో పాటు తుది ఓటర్ల జాబితాను అధికారికంగా వెల్లడించనున్నారు. జనవరి 1, 2026 నాటి అసెంబ్లీ ఓటర్ల జాబితాను ప్రాతిపదికగా తీసుకుని ఈ సవరణల ప్రక్రియ పూర్తి చేస్తున్నారు.
Read Also : పోలీసుల విచారణకు హాజరైన యూట్యూబర్ నందన
అక్టోబర్ మొదటి వారంలో నోటిఫికేషన్ సాధ్యం – రిజర్వేషన్ల ఖరారుపై కసరత్తు!
పోలింగ్ స్టేషన్ల జాబితాలు, ఓటర్ల వివరాలు ఖరారవుతుండటంతో అక్టోబర్ 3 లేదా 4 నాటికి రాష్ట్రవ్యాప్తంగా సుమారు 100కి పైగా మున్సిపాలిటీలు, కార్పొరేషన్లకు ఎన్నికల నోటిఫికేషన్ వెలువడే అవకాశాలు మెండుగా కనిపిస్తున్నాయి. సెప్టెంబర్ 22న ఓటర్ల తుది లెక్క తేలగానే, ఆయా వార్డులు, మేయర్ మరియు మున్సిపల్ ఛైర్‌పర్సన్ స్థానాల రిజర్వేషన్ల ప్రక్రియను ప్రభుత్వం ఖరారు చేయనుంది. ఈ పట్టణ పోరు ముగిసిన వెంటనే వరుసగా జడ్పీటీసీ, ఎంపీటీసీ మరియు గ్రామ పంచాయతీ ఎన్నికలను కూడా వరుస క్రమంలో నిర్వహించేందుకు ప్రభుత్వం, ఎన్నికల కమిషన్ సమాయత్తమవుతున్నాయి.
Read Also hindi news: hindi.vaartha.com
Read Also Epaper : epaper.vaartha.com
Read Also :
