ఏపీ సీఎం చంద్రబాబు తెలుగు ప్రజలకు ఉగాది శుభాకాంక్షలు చెప్పిన,అనంతరం పేదలకు శుభవార్త చెప్పారు. నిధుల విడుదలకు సంబంధించిన ఫైలుపై సంతకం చేశారు.ఉగాదిసందర్భంగా ఆంధ్రప్రదేశ్ ముఖ్యమంత్రి నారా చంద్రబాబు నాయుడు రాష్ట్రంలోని కీలక పేదలకు సాయం అందించేందుకునిర్ణయం తీసుకున్నారు.ముఖ్యమంత్రి సహాయ నిధి (సిఎంఆర్ఎఫ్) ద్వారా అనారోగ్యంతో ఆసుపత్రిలో చికిత్స పొందుతున్న పేదలకు ఆర్థిక సాయం అందించాలని నిర్ణయించారు.
సహాయ నిధి
తాను అధికారంలోకి వచ్చిన తర్వాత సీఎం సహాయ నిధి ఫైలుపై సంతకం చేయడం గమనార్హంఈ సందర్భంగా సీఎం చంద్రబాబు రూ.38 కోట్లు విడుదల చేయగా, 3,456 మంది పేదలకు ప్రయోజనం కలిగేలా ఈ నిధులను వినియోగించనున్నారు. ఆసుపత్రి బిల్లులు చెల్లించలేని స్థితిలో ఉన్న నిరుపేద కుటుంబాలకు ఇది పెద్ద సహాయంగా మారనుంది.కూటమి ప్రభుత్వం అధికారంలోకి వచ్చాక ముఖ్యమంత్రి సహాయ నిధి ద్వారా ఇప్పటివరకు 23,418 మంది పేదలకు రూ.281.38 కోట్లను ప్రభుత్వం అందించింది.
తెలుగు ప్రజలకు ఉగాది శుభాకాంక్షలు
విశ్వవ్యాప్తంగా ఉన్న తెలుగు ప్రజలకు ఏపీ సీఎం చంద్రబాబు శ్రీ విశ్వావసు నామ సంవత్సర ఉగాది శుభాకాంక్షలు తెలిపారు. వచ్చేవన్నీ మంచి రోజులనే సానుకూల దృక్పథంతో కొత్త ఏడాదిని స్వాగతిద్దాం అన్నారు. కొత్త కార్యక్రమాలకు శ్రీకారం చుడతాం. ప్రజల ఆకాంక్షలకు అనుగుణంగా ప్రతి ఒక్కరూ రాబోయే కాలంలో గణనీయమైన ప్రగతి సాధించాలని మనస్ఫూర్తిగా కోరుకున్నారు. విశ్వావసు నామ సంవత్సరం తెలుగు ప్రజలందిరిలో సంతోషాన్ని నింపాలని, సకల విజయాలను అందించాలని చంద్రబాబు మనస్ఫూర్తిగా కోరుకున్నారు. ప్రతి ఒక్కరికీ ఉగాది శుభాకాంక్షలు తెలుపుతూ ట్వీట్ చేశారు.
ప్రత్యేక దృష్టి
కూటమి ప్రభుత్వం, రాష్ట్రంలోని నిరుపేద కుటుంబాల ఆరోగ్య భద్రతపై ప్రధానంగా దృష్టిపెట్టింది. గతంలో కూడా చంద్రబాబు ప్రభుత్వం ప్రజల ఆరోగ్య సంరక్షణ కోసం అనేక కార్యక్రమాలను అమలు చేసిన సంగతి తెలిసిందే. ముఖ్యంగా, ఆరోగ్యశ్రీ పథకాన్ని మరింత బలోపేతం చేయాలని ప్రభుత్వం యోచిస్తోంది.పేదలు ఆరోగ్య సమస్యల కారణంగా ఆర్థికంగా కుంగిపోకుండా,ముఖ్యమంత్రి సహాయ నిధి ద్వారా అనారోగ్యంతో ఆసుపత్రిలో చికిత్స పొందుతున్న పేదలకు ఆర్థిక సాయం అందించాలని నిర్ణయించారు.
స్పందన
ఈ కార్యక్రమంపై ప్రజలు హర్షం వ్యక్తం చేస్తున్నారు. ముఖ్యంగా, పేదల వైద్య ఖర్చులను భరించడానికి ప్రభుత్వం ముందుకు రావడం పట్ల నిరుపేద కుటుంబాలు సంతోషం వ్యక్తం చేస్తున్నాయి. ఉగాది రోజున సీఎం చంద్రబాబు చేసిన ఈ మానవతా గుణం రాష్ట్రవ్యాప్తంగా ప్రశంసలు అందుకుంటోంది.ఈ విధమైన సంక్షేమ కార్యక్రమాలు మరింత విస్తృతంగా కొనసాగాలని ప్రజలు కోరుతున్నారు. ముఖ్యంగా, గ్రామీణ ప్రాంతాల్లో మెరుగైన వైద్య సేవలు అందించేందుకు ప్రభుత్వం మరిన్ని చర్యలు తీసుకోవాలని చెబుతున్నారు.