తెలుగుదేశం పార్టీ (టిడిపి) జాతీయ అధ్యక్షుడు మరియు ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఇటీవల కడప జిల్లాలో నిర్వహించిన మహానాడు సమావేశం రెండో రోజు కార్యక్రమంలో పాల్గొని, పార్టీ కార్యకర్తలు, నేతలపై జరిగిన హత్యలపై సంచలన వ్యాఖ్యలు చేశారు. ఈ సందర్భంగా ఆయన చేసిన వ్యాఖ్యలు రాజకీయ వర్గాల్లో మరియు పార్టీ శ్రేణుల్లో తీవ్ర చర్చకు దారి తీస్తున్నాయి.
పార్టీలోనే కోవర్టులు?
చంద్రబాబు తన ప్రసంగంలో పేర్కొన్నట్లు, పల్నాడు, ప్రకాశం జిల్లాల్లో గతంలో జరిగిన తెలుగుదేశం నేతల హత్యలు సాధారణ ఘటనలు కావని, వాటికి పక్కాగా యత్నంగా ఉన్నదేమోననే అనుమానం వ్యక్తం చేశారు. ప్రతి విషయాన్ని మనసులో అనుమానంతో ఆలోచిస్తే, కొందరు మన దగ్గరే ఉంటూ వారికి కోవర్టులుగా పనిచేస్తూ, వారి ప్రోత్సాహంతో ఇష్టానుసారంగా హత్య రాజకీయాలు చేస్తున్నారని అర్ధమయిందన్నారు.
పార్టీకి చెడ్డపేరు తేవాలన్న కుట్రలు– చంద్రబాబు వ్యాఖ్యలు
ఈ హత్యలతో పార్టీకి చెడ్డపేరు తీసుకురావడం, మరియు నాయకత్వాన్ని భయపెట్టడం అనేది గతంలో ఎన్నడూ లేని విధంగా జరిగిపోతోంది అని చంద్రబాబు పేర్కొన్నారు. మన చేతితో, మన వేలితో మన కన్ను పొడుచుకునేలా చేయడం ద్వారా రెండు పనులు జరుగుతున్నాయని ఆయన అన్నారు. తెలుగుదేశం పార్టీలో వీళ్లే ఒకరినొకరు చంపుకుంటున్నారని చెడ్డ పేరు తేవడం, వారి లక్ష్యాలను సులభంగా తొలగించడం జరుగుతోందని ఆయన ఆవేదన వ్యక్తం చేశారు. ఇది నేరస్తులు చేసే మాయ అని చెబుతూ, నేరస్తులు ఇకనైనా జాగ్రత్తగా ఉండాలని, తన దగ్గర వారి ఆటలు సాగనివ్వనని హెచ్చరించారు.
నిజమైన కార్యకర్త శాశ్వతం
కోవర్టులను మన దగ్గరికి పంపి, వారి ద్వారా మీ అజెండా నెరవేర్చుకోవాలనుకుంటే అది సాధ్యం కాదని ఆయన తేల్చి చెప్పారు. పార్టీలోకి వలస పక్షులు వస్తుంటాయి, పోతుంటాయి, కానీ నిజమైన కార్యకర్త శాశ్వతంగా ఉంటాడని చంద్రబాబు నాయుడు అన్నారు. కార్యకర్తలు తనపై ఉంచిన నమ్మకాన్ని నిలబెట్టుకుంటానని ఆయన స్పష్టం చేశారు. తాజా రాజకీయ పరిస్థితులలో చంద్రబాబు చేసిన ఈ వ్యాఖ్యలు తెలుగుదేశం పార్టీ లో అంతర్గత పునర్వ్యవస్థీకరణకు బీజం వేస్తాయని, అలాగే పార్టీకి నిజమైన నాయకత్వాన్ని ఇచ్చేందుకు మార్గం అవుతుందని భావించవచ్చు.
Read also: Andhrapradesh: ఏపీకి కేంద్రం భారీ ప్రాజెక్టులకు అనుమతి