AP RTE Notification 2026: ఇక పై ప్రైవేట్, కార్పొరేట్ స్కూళ్లలో ఫ్రీ ఎడ్యుకేషన్

AP RTE Notification 2026: ఆంధ్రప్రదేశ్ రాష్ట్రంలోని (AP) నిరుపేద కుటుంబాలకు చెందిన చిన్నారులకు ప్రభుత్వం అద్భుతమైన అవకాశం కల్పించింది. విద్యా హక్కు చట్టం (RTE) కింద రాష్ట్రవ్యాప్తంగా ఉన్న ప్రైవేట్, కార్పొరేట్ విద్యాసంస్థల్లో 25 శాతం ఉచిత సీట్ల భర్తీకి సంబంధించి AP RTE నోటిఫికేషన్ 2026 విడుదలైంది. ఈ పథకం ద్వారా ఆర్థిక స్తోమత లేని తల్లిదండ్రులు తమ పిల్లలను నాణ్యమైన విద్యను అందించే పెద్ద స్కూళ్లలో చేర్పించవచ్చు. 2026–27 విద్యా సంవత్సరానికి సంబంధించి మొదటి తరగతిలో ప్రవేశాల కోసం ఈ ప్రక్రియ ప్రారంభమైంది.

వచ్చే విద్యా సంవత్సరం (2026–27)లో ఒకటో తరగతి ప్రవేశాల కోసం దరఖాస్తులను ప్రభుత్వం ఆహ్వానిస్తోంది. ఫిబ్రవరి 20 నుంచి దరఖాస్తు ప్రక్రియ ప్రారంభమయ్యాయి.

సీట్ల కేటాయింపు, రిజర్వేషన్లు

ఈ నోటిఫికేషన్ ద్వారా లభించే ఉచిత సీట్లను పారదర్శకంగా వివిధ వర్గాలకు ప్రభుత్వం కేటాయించింది. మొత్తం కేటాయించిన సీట్లలో:

అనాథలు, దివ్యాంగులు, హెచ్‌ఐవీ బాధిత పిల్లలకు 5 శాతం రిజర్వేషన్ వర్తిస్తుంది.
షెడ్యూల్డ్ కులాల (SC) వారికి 10 శాతం
షెడ్యూల్డ్ తెగల (ST) వారికి 4 శాతం
బీసీ, మైనారిటీ మరియు ఇతర వర్గాలకు 6 శాతం

అర్హత, వయస్సు పరిమితి

గ్రామీణ ప్రాంతాల్లో వార్షిక కుటుంబ ఆదాయం రూ. 1.20 లక్షల లోపు ఉండాలి. పట్టణ ప్రాంతాల్లో వార్షిక కుటుంబ ఆదాయం రూ. 1.44 లక్షల లోపు ఉండాలి.

విద్యార్థి వయస్సు కనీసం 5 సంవత్సరాలు పూర్తి అయి ఉండాలి.

స్టేట్ సిలబస్‌కు: జూన్ 2, 2020 నుంచి మే 31, 2021 మధ్య జన్మించి ఉండాలి.

సీబీఎస్‌ఈ (CBSE) సిలబస్‌కు: ఏప్రిల్ 1, 2020 నుంచి మార్చి 31, 2021 మధ్య జన్మించి ఉండాలి.

అవసరమైన పత్రాలు

దరఖాస్తు సమయంలో కింది పత్రాలు సిద్ధంగా ఉంచుకోవాలి: పుట్టిన తేదీ ధృవీకరణ పత్రం కుల ధృవీకరణ పత్రం ఆదాయ ధృవీకరణ పత్రం ఆధార్ కార్డు (తప్పనిసరి)

దరఖాస్తుకు కావాల్సిన పత్రాలు, విధానం

అర్హులైన తల్లిదండ్రులు ఫిబ్రవరి 20వ తేదీ నుంచి ఆన్‌లైన్ ద్వారా దరఖాస్తు చేసుకోవచ్చు. దరఖాస్తు కోసం ఆధార్ కార్డు, పుట్టిన తేదీ ధృవీకరణ పత్రం (Birth Certificate), కుల మరియు ఆదాయ ధృవీకరణ పత్రాలను సిద్ధం చేసుకోవాలి. సచివాలయాలు, ఎంఈఓ (MEO) కార్యాలయాలు లేదా అధికారిక వెబ్‌సైట్ ద్వారా దరఖాస్తు ప్రక్రియ పూర్తి చేయవచ్చు. మరిన్ని సందేహాల కోసం ప్రభుత్వం ఏర్పాటు చేసిన 1800 425 899 అనే టోల్ ఫ్రీ నంబర్‌ను సంప్రదించవచ్చు.

Read hindi news: hindi.vaartha.com