ఆంధ్రప్రదేశ్లో వర్షాలు కురిసే సూచనలు స్పష్టంగా కనిపిస్తున్నాయి. వాతావరణ శాఖ తాజా ప్రకటన ప్రకారం, రానున్న మూడు రోజుల పాటు రాష్ట్రంలో పలుచోట్ల ఉరుములు, మెరుపులతో కూడిన వర్షాలు కురిసే అవకాశం ఉంది. ఈ వర్షాలకు ప్రధాన కారణంగా ఈశాన్య అరేబియా సముద్రం నుంచి వాయవ్య బంగాళాఖాతం వరకు విస్తరించిన ద్రోణి (low pressure trough) వ్యవస్థను గుర్తించామని వాతావరణ శాఖ తెలిపింది.ఇది ఉత్తర గుజరాత్ నుండి పశ్చిమ బెంగాల్లోని గంగా తీరం వరకు వ్యాపించి ఉంది. మధ్యప్రదేశ్, ఛత్తీస్గఢ్, జార్ఖండ్ మీదుగా సగటు సముద్ర మట్టానికి 3.1 కి.మీ ఎత్తులో కొనసాగుతోంది. దీని ప్రభావంతో ఆంధ్రప్రదేశ్, యానాం మీదుగా నైరుతి, పశ్చిమ గాలులు వీస్తున్నాయి. ఐఎండీ (IMD) కూడా దేశవ్యాప్తంగా భారీ వర్షాలు కురుస్తాయని హెచ్చరించింది. ‘శనివారం శ్రీకాకుళం,విజయనగరం, పార్వతీపురంమన్యం, అల్లూరిసీతారామరాజు, ఏలూరు,తూర్పుగోదావరి జిల్లాల్లో పలుచోట్ల తేలికపాటి నుంచి మోస్తరు వర్షాలు కురిసే అవకాశం ఉంది.
మోస్తరు వర్షాలు కురుస్తాయని కొన్ని చోట్ల ఉరుములతో
అలాగే మిగతా జిల్లాల్లో అక్కడక్కడ తేలికపాటి వర్షాలు కురిసే అవకాశం ఉంది’ అని ఏపీ విపత్తుల నిర్వహణ సంస్థ తెలిపింది.ఉత్తర కోస్తా, యానాంలో తేలికపాటి నుండి మోస్తరు వర్షాలు కురిసే అవకాశం ఉంది. ఉరుములతో (Thunderstorms) కూడిన జల్లులు చాలా చోట్ల కురుస్తాయి. గంటకు 40 -50 కి.మీ వేగంతో బలమైన గాలులు వీస్తాయని అంచనా వేస్తున్నారు. దక్షిణ కోస్తాలో తేలికపాటి నుండి మోస్తరు వర్షాలు కురుస్తాయని కొన్ని చోట్ల ఉరుములతో కూడిన జల్లులు పడే అవకాశం ఉందంటున్నారు. రాయలసీమలో ఒకటి లేదా రెండు చోట్ల తేలికపాటి నుండి మోస్తరు వానలకు ఛాన్స్ ఉందంటున్నారు.అలాగే ఉరుములతో కూడిన జల్లులు పడే అవకాశం ఉంది. ఆంధ్రప్రదేశ్, తెలంగాణ, కర్ణాటక, కేరళ రాష్ట్రాలకు భారీ వర్ష సూచన ఉందని ఐఎండీ తెలిపింది.
అనారోగ్యం బారిన పడకుండా జాగ్రత్తలు తీసుకోవాలి
మరొకవైపు, తెలుగు రాష్ట్రాల్లో వర్షాలు కురుస్తున్నాయి.దీంతో ప్రజలు సీజనల్ వ్యాధుల విషయంలో జాగ్రత్తగా ఉండాలని సూచిస్తున్నారు. సీజనల్ వ్యాధులను అరికట్టేందుకు ముందస్తు చర్యలు తీసుకోవాలి. గ్రామీణ ప్రాంతాల్లో (Rural Areas) పారిశుద్ధ్యం సరిగా ఉండేలా చూసుకోవాలని సూచిస్తున్నారు. కలుషిత నీరు కారణంగా వ్యాధులు వస్తాయని, అతిసారం, విషజ్వరాలు వ్యాప్తి చెందుతాయంటున్నారు. గిరిజన గూడేలు, తండాల్లోని ప్రజలు అనారోగ్యం బారిన పడకుండా జాగ్రత్తలు తీసుకోవాలి అంటున్నారు.
Read hindi news: hindi.vaartha.com
Read Also: T. Lakshminarayana: పోలవరం బనకచర్ల పథకంపై లోతైన అధ్యయనం చేయండి