భారతదేశం – పాకిస్తాన్ మధ్య పెరుగుతున్న ఉద్రిక్తతల మధ్య, అమెరికా (America ).. పాకిస్తాన్ను గట్టిగా మందలించింది. అమెరికా విదేశాంగ కార్యదర్శి (United States Secretary of State)మార్కో రూబియో (Marco Rubio)ప్రధాన మంత్రి షాబాజ్ షరీఫ్కు ఫోన్ చేసి ఉగ్రవాదాన్ని తీవ్రంగా ఖండించారు. అలాగే భారత్తో ఉద్రిక్తతను తగ్గించుకోవాలని సూచించారు. ఆపరేషన్ సిందూర్ తర్వాత అమెరికా స్పందన పాకిస్తాన్ కు దౌత్యపరంగా దెబ్బగా పరిగణిస్తున్నారు.
భారతదేశం – పాకిస్తాన్ మధ్య పెరుగుతున్న సైనిక ఉద్రిక్తత మధ్య, పాకిస్తాన్ ప్రధాన మంత్రి షాబాజ్ షరీఫ్ (shahbaz sharif) కు అమెరికా నుండి బలమైన సందేశం వచ్చింది. అమెరికా విదేశాంగ కార్యదర్శి మార్కో రూబియో నేరుగా ఫోన్లో షాబాజ్ను మందలించి, ఉగ్రవాదంలో పాకిస్తాన్ పాత్రపై తీవ్ర అభ్యంతరం వ్యక్తం చేశారు. అదే సమయంలో, ఆపరేషన్ సిందూర్ తర్వాత అమెరికా స్పందన పాకిస్తాన్కు మరో దౌత్యపరమైన ఎదురుదెబ్బ.
అమెరికా విదేశాంగ కార్యదర్శి మార్కో రూబియో, పాక్ ప్రధాని షాబాజ్ షరీఫ్తో ఫోన్లో మాట్లాడారు. భారతదేశంతో ఉద్రిక్తతలను తగ్గించడానికి పాకిస్తాన్ తీవ్రమైన ప్రయత్నాలు చేయాల్సి ఉంటుందని నిర్మొహమాటంగా చెప్పారు. ప్రధానమంత్రి మోదీని కలవడం ద్వారా పరస్పర సంభాషణను ముందుకు తీసుకెళ్లాలని ఆయన సూచించారు. ఆసియాలో యుద్ధ పరిస్థితి తలెత్తాలని అమెరికా కోరుకోవడం లేదని, కానీ ఉగ్రవాద అంశంపై ఎటువంటి దయ చూపబోమని రూబియో స్పష్టం చేశారు.
ఉగ్రవాద దాడిపై అమెరికా ప్రగాఢ సంతాపం
అదే సమయంలో, రూబియో భారత విదేశాంగ మంత్రి ఎస్.జైశంకర్కు ఫోన్ చేశారు. అలాగే జైశంకర్ తో మాట్లాడి పహల్గామ్ ఉగ్రవాద దాడిపై అమెరికా ఆయనకు ప్రగాఢ సంతాపాన్ని తెలియజేశారు. భారతదేశం ఆత్మరక్షణ హక్కును సమర్థిస్తూ, ఉగ్రవాదంపై పోరాటంలో అమెరికా భారతదేశంతో దృఢంగా నిలుస్తుందని ఆయన అన్నారు. ఉగ్రవాదంపై భారతదేశం తీసుకున్న సైనిక చర్యను వాషింగ్టన్ సమర్థించుకుంటుందని అమెరికా వైఖరి స్పష్టం చేస్తోంది.
ఆపరేషన్ సిందూర్ కింద పాకిస్తాన్ ఉగ్రవాద మౌలిక సదుపాయాలపై భారతదేశం సర్జికల్ స్ట్రైక్ చేసిన తర్వాత మొత్తం ప్రాంతంలో ఉద్రిక్తత స్థాయి పెరిగింది. జమ్మూ, పఠాన్కోట్లపై పాకిస్తాన్ క్షిపణి, డ్రోన్ దాడుల ప్రయత్నం విఫలమైన తర్వాత భారతదేశం సరిహద్దు ప్రాంతాల్లో హై అలర్ట్ ప్రకటించింది. ఇంతలో, అమెరికా నుండి వచ్చిన ఈ మందలింపు పాకిస్తాన్ పై అంతర్జాతీయ ఒత్తిడిలో భాగంగా కనిపిస్తోంది.
అమెరికా ఉపాధ్యక్షులు జెడి వాన్స్ స్పందన
ఇదిలావుంటే అమెరికా ఉపాధ్యక్షులు జెడి వాన్స్ స్పందించారు. ప్రస్తుతం జరుగుతున్న భారత్-పాకిస్తాన్ వివాదం ప్రాథమికంగా మాకు సంబంధించినది కాదు అని అమెరికా ఉపాధ్యక్షుడు జెడి వాన్స్ అన్నారు. ఈ పరిస్థితిపై అమెరికాకు పరిమిత నియంత్రణ మాత్రమే ఉందని అన్నారు. “మనం చేయగలిగేది ఏమిటంటే, ఇద్దరిని సంయమనం పాటించాలని సూచించడమే అన్నారు. కానీ ప్రాథమికంగా అమెరికాకు సంబంధం లేనిదన్నారు. అమెరికా నియంత్రించే సామర్థ్యంతో సంబంధం లేని యుద్ధం మధ్యలో మేము పాల్గొనబోమని వాన్స్ స్పష్టం చేశారు.
ఈ సమయంలో భారతీయులను ఆయుధాలు వదులుకోమని అమెరికా చెప్పలేదు. పాకిస్తానీలను ఆయుధాలు వదులుకోమని మేము చెప్పలేం. కాబట్టి, దౌత్య మార్గాల ద్వారా ఈ విషయాన్ని కొనసాగిస్తామన్నారు జేడీ వాన్స్. ఇది విస్తృత ప్రాంతీయ యుద్ధంగా, అణు సంఘర్షణగా మారకూడదని మా ఆశ. ప్రస్తుతానికి, అది జరగబోదని అనుకుంటున్నామని అమెరికా ఉపాధ్యాక్షులు జేడీ వాన్స్ అన్నారు. ఆసియాలో యుద్ధ పరిస్థితి తలెత్తాలని అమెరికా కోరుకోవడం లేదని, కానీ ఉగ్రవాద అంశంపై ఎటువంటి దయ చూపబోమని రూబియో స్పష్టం చేశారు.
అమెరికా నుండి వచ్చిన ఈ కఠినమైన హెచ్చరిక తర్వాత, షాబాజ్ షరీఫ్ కష్టాలు మరింత పెరిగాయి. ఒకవైపు, భారతదేశం ప్రతీకార సైనిక చర్యకు భయపడుతుంటే, మరోవైపు, అమెరికా వంటి సాంప్రదాయ మిత్రదేశాల అసంతృప్తిని వ్యక్తం చేయడంతో పాకిస్థాన్ దిక్కుతోచని పరిస్థితి నెలకొంది. భద్రతా వైఫల్యాలపై పాకిస్తాన్లోని ప్రతిపక్షం ఇప్పటికే షాబాజ్ ప్రభుత్వాన్ని ఇరుకున పెడుతోంది. అటువంటి పరిస్థితిలో, షాబాజ్ షరీఫ్ భారతదేశంతో ఉద్రిక్తతను తగ్గించడానికి చర్యలు తీసుకుంటారా లేదా పరిస్థితి మరింత దిగజారిపోతుందా అనేది ఇప్పుడు ప్రశ్న..!
Read Also : JD Vance: యుద్ధంపై జేడీ వాన్స్ సంచలన వ్యాఖ్యలు
