ఈ మధ్యకాలంలో ప్రతి ఒక్కరిని కలవరపెట్టే ఆరోగ్య సమస్యలలో జుట్టు రాలడం ఒకటి. అయితే ఇది కేవలం జెనెటిక్ లేదా హార్మోన్ల కారణంగా మాత్రమే కాదు, ఒత్తిడి (Stress) కూడా ముఖ్యమైన పాత్ర పోషిస్తోందని నిపుణులు చెబుతున్నారు.
ఒత్తిడి వల్ల జుట్టు ఎందుకు రాలుతుంది?
నిపుణుల వివరాల ప్రకారం, దీర్ఘకాలంగా ఒత్తిడిలో ఉండడం వల్ల మన రోగనిరోధక వ్యవస్థ బలహీనపడుతుంది. ఈ ప్రభావం జుట్టు కుదుళ్ల (Hair Follicles) మీద పడుతుంది. కుదుళ్లు సరిగా పనిచేయకపోవడంతో జుట్టు రాలడం ఎక్కువగా కనిపిస్తుంది. అయితే ఇది సాధారణంగా తీవ్రమైన మానసిక ఒత్తిడిలో ఉన్నవారిలోనే ఎక్కువగా కనిపించే సమస్య.
ఒత్తిడి – శరీర ఆరోగ్యంతో పాటు జుట్టుపై ప్రభావం
ఒత్తిడి కారణంగా శరీరంలో హార్మోన్ల సమతుల్యత తప్పిపోతుంది. ఇది కేవలం మానసిక ఆరోగ్యాన్ని మాత్రమే కాదు, చర్మం మరియు జుట్టు పై కూడా ప్రతికూల ప్రభావం చూపుతుంది. అందుకే ఒత్తిడిని నియంత్రించడం అనేది మెరిసే చర్మం, ఆరోగ్యకరమైన జుట్టుకు కీలకం.
ఒత్తిడిని తగ్గించే ఉపాయాలు
ఈ రోజుల్లో ప్రతి ఒక్కరూ ఓ రకంగా ఒత్తిడికి లోనవుతూనే ఉన్నారు. అయితే కొన్ని చిన్నతనపు అలవాట్లను పాటించడం ద్వారా మనస్సు ప్రశాంతంగా ఉండేలా చేసుకోవచ్చు.
ధ్యానం & శ్వాస వ్యాయామాలు
ప్రతిరోజూ 10-15 నిమిషాలు ధ్యానం చేయడం లేదా దీర్ఘంగా ఊపిరి తీసి విడిచే వ్యాయామాలు చేయడం వల్ల మనస్సు ప్రశాంతంగా మారుతుంది.
జర్నలింగ్
మీ భావాలు, ఆందోళనలు డైరీలో రాయడం ద్వారా మానసిక ఒత్తిడిని తగ్గించుకోవచ్చు. అలాగే నమ్మకమైన వారితో మాట్లాడటం కూడా సహాయకరం.
వ్యాయామం
ప్రతిరోజూ 20-30 నిమిషాలు నడక లేదా వ్యాయామం చేయడం వల్ల శరీరంలో ఎండార్ఫిన్లు విడుదలై మానసిక ఆనందాన్ని పెంచుతాయి.
సమతుల్య ఆహారం & నిద్ర
7-8 గంటలు నిద్ర, పోషక పదార్థాలతో కూడిన ఆహారం తీసుకోవడం ద్వారా శరీర ఫంక్షన్ మెరుగవుతుంది. ఇది జుట్టు ఆరోగ్యానికి కూడా ఎంతో మేలును కలిగిస్తుంది.
Read hindi news: hindi.vaartha.com
Read Also:
