న్యూఢిల్లీ: కాంగ్రస్ పార్టీ ప్రధాన కార్యదర్శి ప్రియాంకా గాంధీ ఇటీవల వయనాడ్ లోక్‌సభ స్థానం కోసం నామినేషన్‌ దాఖలు చేశారు. రాహుల్ గాంధీ రాజీనామాతో జరుగుతున్న ఉప ఎన్నికల్లో ప్రియాంకా గాంధీ ప్రత్యక్షంగా పోటీ చేస్తారు. ఈ నేపథ్యంలో, ఆమె వయనాడ్ ప్రజలకు ఒక భావోద్వేగపూరిత సందేశం పంపించారు. ఎన్నికల పోటీ కొత్తగా ఉండవచ్చు కానీ, ప్రజల కోసం పోరాడటం తనకు కొత్త కాదని తెలిపారు.
“కొన్ని నెలల క్రితం, నేను మరియు నా సోదరుడు రాహుల్ కలిసి మండక్కై మరియు చూరాల్‌మల ప్రాంతాలకు వెళ్లాం. ప్రకృతి కారణంగా సంభవించిన విపత్తు, మీరు ఎదుర్కొన్న కష్టాలు, ఆవేదనను నేను దగ్గర నుంచి చూశాను. పిల్లలను కోల్పోయిన తల్లుల బాధ, కుటుంబాన్ని కోల్పోయిన చిన్నారుల దుఃఖం మన్నించలేనిది. ఆ చీకటి కాలంలో మీరు చూపించిన ధైర్యం, మీ పోరాటం స్ఫూర్తిదాయకంగా ఉంది. మీకు ప్రాతినిధ్యం వహించేందుకు అవకాశం రావడం నాకు గౌరవంగా ఉంది” అని ప్రియాంకా అన్నారు.
“నా సోదరుడికి మీరు చూపించిన ప్రేమ, మీరంతా నాకు కూడా చూపించాలని కోరుకుంటున్నాను. చట్టసభలో మీ గొంతు వినిపించేందుకు అవకాశం ఇవ్వాలని ఆశిస్తున్నాను. పిల్లల భవిష్యత్తు, మహిళల సంక్షేమం కోసం నా శక్తి శీలంగా కృషి చేస్తానని మాటిస్తున్నాను. ప్రజల తరఫున పోరాడటం నాకు కొత్త కాదు, కానీ ఈ ప్రయాణం నాకు కొత్తగా అనిపిస్తుంది. మీరందరూ నాకు మార్గదర్శకంగా ఉండాలని ఆశిస్తున్నాను” అని ఆమె జోడించారు.
ఇటీవల జరిగిన లోక్‌సభ ఎన్నికల్లో, రాహుల్ గాంధీ 3.6 లక్షల ఓట్ల మెజార్టీతో సీపీఐ నాయకురాలు అన్నీరాజాపై విజయం సాధించారు. ఆయన రాజీనామాతో జరుగుతున్న ఉప ఎన్నికలో ప్రియాంకా గాంధీ కాంగ్రెస్‌ తరఫున పోటీ చేస్తున్నారు. కేరళలో పాలక్కాడ్, చెలక్కర అసెంబ్లీ స్థానాలతో పాటు వయనాడ్‌లో నవంబర్ 13న ఉప ఎన్నిక జరగనుంది. ఫలితాలు నవంబర్ 23న విడుదల కానున్నాయి.
ముంబయి: కరోనా తర్వాత చాలా మంది ద్విచక్ర వాహనాలపై తిరగడం తగ్గించారు. చాలా మంది ప్రజల్లో ఆరోగ్యంపై అవగాహన పెరిగింది. సుదూర ప్రయాణాలు చేసేవారు ప్రభుత్వ రవాణా Read more
తిరువూరు ఎమ్మెల్యే కొలికపూడి శ్రీనివాసరావుపై టీడీపీ అధిష్ఠానం సీరియస్ గా ఉంది. ఇటీవల ఆయన ఓ ఎస్టీ మహిళపై దాడి చేయడం తీవ్ర వివాదానికి దారితీసింది. ఈ Read more
తిరుమల శ్రీవారి భక్తులకు శుభవార్త . ఏప్రిల్ నెలకు సంబంధించిన ప్రత్యేక ప్రవేశ దర్శనం (రూ. 300) టోకెన్లను తిరుమల తిరుపతి దేవస్థానం (టీటీడీ) విడుదల చేసింది. Read more
అంతర్జాతీయ వికలాంగుల దినోత్సవం, 3 డిసెంబర్ 2024 న, గుజరాత్ ప్రభుత్వంతో కలిసి అదానీ ఫౌండేషన్ తమ భాగస్వామ్యాన్ని మరింత విస్తరించడానికి తన సంకల్పాన్ని వ్యక్తం చేసింది. Read more