విడాకుల కేసులో ముంబైకి చెందిన ఓ మహిళ భారీ భరణాన్ని డిమాండ్ (Woman demands huge alimony) చేయడం వివాదాస్పదమైంది. రూ.12 కోట్ల నగదు, లగ్జరీ ఫ్లాట్, బీఎండబ్ల్యూ కారు కోరిన ఆమెపై సుప్రీంకోర్టు తీవ్ర అసహనం వ్యక్తం చేసింది. 18 నెలల వివాహ జీవితానికి ఇంత భారం ఎలా వేస్తారని ప్రధాన న్యాయమూర్తి జస్టిస్ బీఆర్ గవాయ్ (Justice BR Gavai) ప్రశ్నించారు.ఆ మహిళ ఐటీ నిపుణురాలిగా, ఎంబీఏ పట్టాదారిగా ఉన్నప్పటికీ భరణానికి గల కారణం అర్థం కావడం లేదని కోర్టు వ్యాఖ్యానించింది. “ఇంత చదువుకున్నవారిగా మీరు స్వయం సమర్థంగా జీవించాలి. బెంగళూరు లేదా హైదరాబాద్లో ఉద్యోగం పొందడం పెద్ద విషయం కాదు” అని జస్టిస్ గవాయ్ సూచించారు.
వివాహ వ్యవధిని దృష్టిలో పెట్టుకోవాలి
మహిళ భర్తను ధనవంతుడిగా వర్ణించి, విడాకులకు కారణంగా తనకు పెద్ద మొత్తంలో భరణం కావాలని పేర్కొంది. అయితే న్యాయమూర్తి గవాయ్, “18 నెలల సంబంధానికి నెలకు రూ.1 కోటి డిమాండ్ చేయడం సరైన పద్ధతి కాదు” అని అభిప్రాయపడ్డారు. అంతేకాదు, భర్త చేతిలో ఉన్న ఆర్థిక పరిస్థితిని కూడా పరిగణనలోకి తీసుకోవాలని స్పష్టం చేశారు.
భర్త తరఫు వాదనలు – జీవనోపాధికి బాధ్యత మహిళదే
ఈ సందర్భంగా భర్త తరఫున న్యాయవాది మాధవీ దివాన్ వాదిస్తూ, “తన జీవనోపాధికి ఆమె స్వయంగా బాధ్యత వహించాలి. అన్ని విషయాల్లో భర్తపై ఆధారపడడం సమంజసం కాదు” అన్నారు. అంతేకాదు, భర్త గతంలో సిటీ బ్యాంక్ మేనేజర్గా ఉన్నా, ప్రస్తుతం ఆదాయం తక్కువగా ఉందని కోర్టుకు తెలియజేశారు.
తీర్పును రిజర్వ్ చేసిన సుప్రీంకోర్టు
ఈ ఆసక్తికరమైన విడాకుల కేసులో సుప్రీం కోర్టు తుది తీర్పును రిజర్వ్ చేసింది. అయితే ఈ విచారణ సందర్భంగా మహిళకు జస్టిస్ గవాయ్ ఇచ్చిన సూచనలు ఇప్పుడు సోషల్ మీడియాలో చర్చనీయాంశంగా మారాయి. “స్వయం సమర్థతే శక్తి” అనే కోర్టు అభిప్రాయం మహిళల ఆర్థిక స్వావలంబనకు పునాది వేసింది.
Read Also : Air India : ఎయిరిండియా విమానంలో మంటలు
