తెలంగాణ రాష్ట్రంలో బీసీలకు 42 శాతం రిజర్వేషన్ల (BC Reservation) బిల్లుపై రాజకీయ చర్చ తీవ్రతరమవుతోంది. ఈ బిల్లును గౌరవనీయమైన కేబినెట్ ఆమోదించగా, బీఆర్ఎస్ ఎమ్మెల్సీ కల్వకుంట్ల కవిత (Kavitha) చేసిన వ్యాఖ్యలపై ప్రభుత్వ వీప్ ఆది శ్రీనివాస్ తీవ్రంగా స్పందించారు. ఈ బిల్లుతో కవితకు సంబంధం ఏముందని ఆయన ప్రశ్నించారు. కేవలం ప్రజల్లో మానవతా దృక్కోణాన్ని చూపిస్తూ హడావుడి చేయడం దారుణమని విమర్శించారు. బీసీల సాధనను ఒకరు హైజాక్ చేయాలన్న ప్రయత్నాలను ప్రజలు గుర్తించాల్సిన అవసరం ఉందని స్పష్టం చేశారు.
బీసీ బిల్లుపై కాంగ్రెస్ కృషి – రేవంత్ నాయకత్వం ప్రశంసనీయం
ఈ రిజర్వేషన్ బిల్లును తీసుకురావడంలో రాష్ట్ర ప్రభుత్వం చూపిన చిత్తశుద్ధిని ఆది శ్రీనివాస్ (Aadi Srinivas) కొనియాడారు. రాష్ట్రంలో శాస్త్రీయంగా కులగణన నిర్వహించడం, ఎస్సీ వర్గీకరణ చేపట్టడం, ఆర్డినెన్స్ రూపంలో బీసీలకు న్యాయం చేయడం, ముఖ్యంగా సీఎం రేవంత్ రెడ్డి నాయకత్వంలోని ప్రభుత్వం సంక్షేమం, అభివృద్ధి మార్గంలో ముందుకు సాగుతోందని వివరించారు. బీసీ సామాజిక సంఘాలు ఈ నిర్ణయానికి పూర్తి మద్దతుగా ఉన్నాయని తెలిపారు.
బీఆర్ఎస్పై విమర్శలు – రిజర్వేషన్ల కోతల చరిత్ర
ఆదిప్రతిపక్షంగా ఉన్న బీఆర్ఎస్ పార్టీ గతంలో బీసీల రిజర్వేషన్లను 34 శాతం నుంచి 21 శాతానికి తగ్గించిందని గుర్తు చేశారు. ఇప్పుడు కాంగ్రెస్ ప్రభుత్వం చరిత్రాత్మక నిర్ణయం తీసుకుని 42 శాతం రిజర్వేషన్ల బిల్లు కేబినెట్ ద్వారా ఆమోదించి కేంద్రానికి పంపించిందని చెప్పారు. గతంలో ఇచ్చిన హామీని నెరవేర్చడం ద్వారా కాంగ్రెస్ ప్రజల్లో విశ్వాసాన్ని సంపాదించిందని వెల్లడించారు. జులై 10వ తేదీ బీసీ సాధన చరిత్రలో సువర్ణాక్షరాలతో లిఖించదగిన రోజు అవుతుందని అభివర్ణించారు.
Read Also : Pragya Agarwal : మహిళా ప్రొఫెసర్ ప్రజ్ఞా అగర్వాల్ అనుమానాస్పద మృతి
