సంగారెడ్డి జిల్లా పాశమైలారంలో ఉన్న సిగాచీ ఇండస్ట్రీస్ లిమిటెడ్ ఫార్మా యూనిట్(Sigachi Plant Explosion)లో జరిగిన భారీ పేలుడు రాష్ట్రవ్యాప్తంగా కలకలం రేపింది. ఈ పరిశ్రమలో ఔషధ పరిశ్రమల అవసరాలకు ఉపయోగించే మైక్రో క్రిస్టలైన్ సెల్యులోజ్ అనే పదార్థాన్ని ఉత్పత్తి చేస్తారు. జూన్ 30 వ తేదీ ఉదయం జరిగిన ఈ ఘటనలో పలువురు కార్మికులు గాయపడగా, ఇద్దరు మృతిచెందినట్టు అధికారులు తెలిపారు. పేలుడుతో పరిశ్రమలో భాగంగా ఉన్న వాడింగ్ డ్రమ్ములు, వాల్వులు, పైపులు విరిగిపడి దూరంగా పడిపోయినట్టు స్థానికులు చెప్పారు.
పేలుడుకు కారణంగా డ్రయ్యర్ లో లోపమేనా?
ప్రాధమిక విచారణలో అధికారులు వెల్లడించిన సమాచారం ప్రకారం, ఈ ప్రమాదానికి ప్రధాన కారణం డ్రయ్యర్ లో వచ్చిన లోపమేనని అనుమానం వ్యక్తమవుతోంది. మైక్రో క్రిస్టలైన్ సెల్యులోజ్ తయారీకి ఉపయోగించే డ్రయ్యర్ను సరైన విధంగా శుభ్రం చేయకపోవడం, అలాగే ఉష్ణోగ్రత నియంత్రణలో విఫలమైనట్టుగా తెలుస్తోంది. అధిక ఉష్ణోగ్రత వల్ల డ్రయ్యర్లో ఉన్న పదార్థాలు రసాయనికంగా ప్రతిక్రియించి పేలుడు సంభవించిందని అంచనా.
సురక్షిత చర్యలపై ప్రశ్నలు
ఈ ప్రమాదం తర్వాత పరిశ్రమలోని భద్రతా ప్రమాణాలపై తీవ్ర చర్చ మొదలైంది. ప్రమాదం జరిగిన ప్రాంతంలో సురక్షిత నియమావళి పాటించలేదని కార్మికులు ఆరోపిస్తున్నారు. గతంలో కూడా అక్కడ చిన్నపాటి ఘటనలు జరిగాయని తెలుస్తోంది. ఈ నేపథ్యంలో ప్రభుత్వం, పరిశ్రమల శాఖ ఈ ఘటనపై ప్రత్యేక విచారణకు ఆదేశాలు జారీ చేయగా, బాధ్యులపై కఠిన చర్యలు తీసుకుంటామని అధికారిక వర్గాలు వెల్లడించాయి. ఇదంతా పరిశ్రమల్లో సురక్షిత ప్రమాణాలపై మళ్లీ అవగాహన పెంచాల్సిన అవసరం ఎంతగానో ఉందని నిపుణులు సూచిస్తున్నారు.
Read Also : CM Chandrababu Naidu : నేడు తూర్పుగోదావరిలో చంద్రబాబు పర్యటన
