భాగ్యనగరంలో బుధవారం సాయంత్రం ప్రారంభమైన వర్షం గంటల తరబడి కొనసాగి నగరాన్ని పూర్తిగా స్తంభింపజేసింది. ఎండగా ఉన్న వాతావరణం ఒక్కసారిగా మారిపోవడంతో నగర ప్రజలు తీవ్ర అవస్థలు పడ్డారు. ఆకాశం మబ్బులతో కమ్ముకుని, గాలులతో కూడిన భారీ వర్షం (heavy rain) కురవడంతో రహదారులపై వరదలా నీరు ప్రవహించింది. ముఖ్యంగా ఐటీ కారిడార్ ప్రాంతాల్లో వర్షం ప్రభావం ఎక్కువగా కనిపించింది.
బంజారాహిల్స్, జూబ్లీహిల్స్, పంజాగుట్ట, గచ్చిబౌలి, మాదాపూర్, మియాపూర్, కూకట్పల్లి, కొండాపూర్, శేరిలింగంపల్లి, సరూర్నగర్, కార్వాన్, చాంద్రాయణగుట్ట, సైదాబాద్ వంటి పలు కాలనీల్లో రోడ్లపై నీరు నిలిచిపోయి, వాహనాల రాకపోకలు పూర్తిగా అడ్డంకులకు గురయ్యాయి. అనేక చోట్ల వాహనాలు స్తంభించి కిలోమీటర్ల మేర క్యూలు ఏర్పడ్డాయి.
భారీ వర్షాలు కురుస్తున్నాయని వాతావరణ శాఖ అధికారులు వివరించారు
కొన్నిచోట్ల కారు, ఆటోలు, బైకులు నీటిలో చిక్కుకుపోయాయి. రోడ్డుపై నీరు ఎక్కువగా ఉండటంతో చిన్న వాహనాలు ముందుకు కదలలేకపోయాయి.వాతావరణ శాఖ లెక్కల ప్రకారం, నగరంలో అత్యధికంగా మియాపూర్ (Miyapur) లో 9.7 సెంటీమీటర్ల వర్షపాతం నమోదైంది. ఆ తర్వాత లింగంపల్లిలో 8.2 సెం.మీ., హైదరాబాద్ సెంట్రల్ యూనివర్సిటీ (Hyderabad Central University) (హెచ్సీయూ)లో 8.1 సెం.మీ., గచ్చిబౌలిలో 6.6 సెం.మీ., చందానగర్లో 6.4 సెం.మీ. వర్షపాతం కురిసినట్లు అధికారులు తెలిపారు.
పశ్చిమ మధ్య బంగాళాఖాతం నుంచి తెలంగాణ మీదుగా ఏర్పడిన అల్పపీడన ద్రోణి ప్రభావంతోనే ఈ భారీ వర్షాలు కురుస్తున్నాయని వాతావరణ శాఖ అధికారులు వివరించారు. మరోవైపు, జీహెచ్ఎంసీ యంత్రాంగం అప్రమత్తమైంది. అత్యవసర సహాయక బృందాలు రంగంలోకి దిగి, రోడ్లపై నిలిచిన నీటిని తొలగించే పనులను చేపట్టాయి. ప్రజలు అనవసరంగా బయటకు రావొద్దని, మ్యాన్హోల్స్ వద్ద జాగ్రత్తగా ఉండాలని అధికారులు సూచించారు.
Read hindi news: hindi.vaartha.com
Read Also: