Telangana agriculture:ఆగస్టులో రైతుల నిరాశ తీవ్ర రూపం దాల్చింది. అనుకున్న విధంగానే తెలంగాణ రాష్ట్రంపై ఎల్ నినో ప్రభావం స్పష్టంగా కనిపిస్తోంది. వానాకాలం సీజన్ ప్రారంభం నుండి వరుసగా మూడో నెల కూడా అన్నదాతలకు నిరాశే మిగిలింది. సాధారణంగా ఆగస్టు నెలలో రావాల్సిన వర్షపాతం గణనీయంగా పడిపోయింది. సాధారణ వర్షపాతం 215.8 మి.మీ. కాగా కేవలం 134.5 మి.మీ. మాత్రమే కురిసింది. దీనివల్ల దాదాపు 38 శాతం లోటు వర్షపాతం నమోదైంది. వానాకాలంలో మొదటి మూడు నెలల కాలంలో మొత్తం 20 శాతం లోటు వర్షపాతం నమోదు కావడంతో వ్యవసాయ రంగం సంక్షోభంలో పడింది.
Read also: Telangana Free Ration: 3 నెలల ఉచిత బియ్యం..5th వరకే లాస్ట్ ఛాన్స్!
తగ్గిన సాగు విస్తీర్ణం
ఆగస్టు నెల ముగిసినప్పటికీ పంటల సాగు లక్ష్యం ఇంకా దూరంగానే ఉంది. రాష్ట్రంలో మొత్తం 8.59 శాతం లోటు ఏర్పడటంతో ప్రధాన పంట అయిన వరి సాగు విస్తీర్ణం 13.6 లక్షల ఎకరాలు తగ్గింది. ఈ సీజన్ ముగియడానికి కేవలం ఒక్క నెల మాత్రమే సమయం ఉంది. సెప్టెంబర్ నెలలో వర్షాలు కురిసినప్పటికీ వరి సాగు చేయడం సాధ్యం కాదని నిపుణులు స్పష్టం చేస్తున్నారు. మరోవైపు వరినాట్లు ఎదుగుదల దశలో ఉండగా పత్తి మరియు ఇతర పంటలకు తీవ్రమైన నీటి కొరత ప్రారంభమైంది. దీనివల్ల పెట్టుబడులు పెట్టిన రైతులు తీవ్రమైన ఆర్థిక నష్టాలను ఎదుర్కొనే పరిస్థితి ఏర్పడింది.
Telangana agriculture:ప్రత్యామ్నాయ పంటల వైపు అధికారుల సూచనలు
ప్రస్తుత పరిస్థితుల నేపథ్యంలో రాష్ట్ర వ్యవసాయ మరియు ఉద్యాన విశ్వవిద్యాలయాలు కీలక సూచనలు చేశాయి. సెప్టెంబర్ లో కూడా వర్షాలు పడని పక్షంలో పంటల ఎరుగుదల పూర్తిగా దెబ్బతింటుందని శాస్త్రవేత్తలు హెచ్చరించారు. ఈ క్లిష్ట సమయంలో వరికి బదులుగా ప్రత్యామ్నాయ పంటలను మాత్రమే సాగు చేయాలని ప్రభుత్వం ఇప్పటికే రైతులకు పిలుపునిచ్చింది. సాగునీరు లేని ప్రాంతాలలో తక్కువ నీటితో పండే పంటలను ఎంచుకోవడం ద్వారా నష్టాలను తగ్గించుకోవచ్చని అధికారులు వెల్లడించారు. ప్రభుత్వం మరియు అధికారులు అందిస్తున్న సలహాలను పాటిస్తూ రైతులు తగు జాగ్రత్తలు తీసుకోవడం ఎంతైనా అవసరం.
Read Also hindi news: hindi.vaartha.com
Epaper: epaper.vaartha.com
Read Also: