తమిళ నటుడు కవిన్ (Kavin) ప్రస్తుతం హీరోగా నటిస్తున్న తాజా చిత్రం ‘కిస్’. గతంలో ‘దాదా’ సినిమాతో భారీ విజయం సాధించి తమిళనాట మంచి మార్కెట్ సంపాదించుకున్న కవిన్ ఇప్పుడు ఈ కొత్త రొమాంటిక్ కామెడీ సినిమాతో మళ్లీ ఫ్యామిలీ ఆడియెన్స్ను అలరించేందుకు రెడీ అవుతున్నారు. ఈ చిత్రం మొదటి నుంచీ యువతలో, సినీ వర్గాల్లో కూడా ఆసక్తిని రేకెత్తించింది.
ఈ సినిమాతో ప్రముఖ కొరియోగ్రాఫర్ సతీష్ కృష్ణన్ (Satish Krishnan) దర్శకుడిగా కొత్త ప్రయాణం మొదలు పెడుతున్నారు. సతీష్ ఇప్పటివరకు పలు హిట్ పాటలకు నృత్యరూపకాలు అందించి డ్యాన్స్ మాస్టర్గా పేరుగాంచారు. ఇప్పుడు ఆయన దర్శకత్వం వహిస్తున్న తొలి సినిమా కావడంతో ఇది ఎలా ఉండబోతోందో అన్న ఉత్సుకత అభిమానుల్లో ఎక్కువైంది.
ఈ సినిమాలో మరింత స్టైలిష్గా కనిపించనున్నారట
రోమియో పిక్చర్స్ బ్యానర్ (Romeo Pictures banner) పై నిర్మాత రాహుల్ ఈ సినిమాను నిర్మిస్తున్నారు. ప్రొడక్షన్ విలువలు చాలా రిచ్గా, టెక్నికల్గా కూడా ఉన్నతంగా ఉండేలా చిత్రబృందం చూసుకుంటోంది. కవిన్ గత చిత్రాల కంటే ఈ సినిమాలో మరింత స్టైలిష్గా, కొత్త లుక్లో కనిపించనున్నారట. ముఖ్యంగా ఆయన కామెడీ టైమింగ్, రొమాంటిక్ సీన్స్ ఈ సినిమాలో ప్రధాన హైలైట్గా నిలవనున్నాయని మేకర్స్ చెబుతున్నారు.
సినిమా కథ వివరాలు పూర్తిగా రహస్యంగా ఉంచినప్పటికీ, ఇది ఫీల్ గుడ్ లవ్ అండ్ ఫన్ ఎంటర్టైనర్గా తెరకెక్కిందని తెలిసింది. యువతరానికి నచ్చేలా రొమాన్స్తో పాటు వినోదం, మంచి మ్యూజిక్ కలగలిపిన సినిమాగా రూపొందిందట.ఈ చిత్రం సెప్టెంబర్ 19న ప్రేక్షకుల ముందుకు రాబోతుంది. ఈ సందర్భంగా, సినిమా నుంచి తాజాగా తెలుగు ట్రైలర్ను విడుదల చేశారు మేకర్స్.
ట్రైలర్ విడుదల
ఈ ట్రైలర్ చూస్తుంటే.. ఇందులో కవిన్.. ప్రేమ, ముద్దు అంటే అస్సలు ఇష్టపడని యువకుడి పాత్రలో కనిపిస్తున్నారు. గతంలో జరిగిన సంఘటనల కారణంగా ప్రేమపై నెగిటివ్ భావాలు ఏర్పడిన అతడి జీవితంలోకి ‘ప్రీతి’ అనే అమ్మాయి ప్రవేశించిన తర్వాత ఎలాంటి మార్పులు జరిగాయి? అన్నదే ఈ సినిమా ప్రధాన కథాంశం.ఈ చిత్రం తెలుగు, తమిళంతో పాటు హిందీ భాషల్లో కూడా విడుదల కానుంది.
Read hindi news: hindi.vaartha.com
Read Also: