BYD Cars నుండి ఈవి వాహనదారులకు శుభవార్త
ప్రపంచవ్యాప్తంగా ప్రముఖమైన BYD Cars కంపెనీ కేవలం 5 నుంచి 8 నిమిషాల్లో చార్జింగ్ పూర్తి ఎలక్ట్రిక్ వాహనాలను ఉపయోగించే వారు ఇకపై చార్జింగ్ సమస్యల గురించి ఆందోళన చెందనక్కర్లేదు. చేసే మెగావాట్ ఫ్లాష్ చార్జింగ్ టెక్నాలజీని ప్రవేశపెట్టింది. దీని ద్వారా ఎలక్ట్రిక్ కార్ల వినియోగం మరింత పెరిగే అవకాశం ఉంది.
మెగావాట్ ఫ్లాష్ చార్జింగ్ – కొత్త పరిష్కారం
ప్రస్తుతం 500 కిలోమీటర్ల దూరం వెళ్లే ఒక ఎలక్ట్రిక్ వాహనాన్ని పూర్తిగా ఛార్జ్ చేయాలంటే ఫాస్ట్ చార్జింగ్ స్టేషన్లలో 3 నుంచి 4 గంటలు, ఇంటి వద్ద 8 నుంచి 10 గంటలు పడుతోంది. అయితే, BYD Cars పరిచయం చేసిన కొత్త మెగావాట్ ఫ్లాష్ చార్జింగ్ టెక్నాలజీ వల్ల కేవలం 5-8 నిమిషాల్లోనే బ్యాటరీని పూర్తిగా ఛార్జ్ చేసుకోవచ్చు. ఇది పెట్రోల్ లేదా డీజిల్ నింపుకునే సమయంతో సమానంగా ఉండటం విశేషం.
ఎలక్ట్రిక్ వాహనాల వినియోగంలో పెరుగుదల
ప్రస్తుతం ఎలక్ట్రిక్ వాహనాలు కొనుగోలు చేయడంపై ప్రజలు అనేక అనుమానాలు వ్యక్తం చేస్తున్నారు. ముఖ్యంగా ఛార్జింగ్ స్టేషన్ల లభ్యత, ఛార్జింగ్ సమయం వంటి అంశాలు ప్రజలను వెనుకంజ వేయించాయి. అయితే, వేగవంతమైన ఛార్జింగ్ టెక్నాలజీ అందుబాటులోకి వస్తే, ప్రజలు మరింత ఉత్సాహంగా ఈవీ వాహనాలను కొనుగోలు చేస్తారు.
చైనా మరియు భారతదేశంలో కొత్త చార్జింగ్ స్టేషన్లు
ఇప్పటికే చైనాలో 4000 ఛార్జింగ్ స్టేషన్లను ఏర్పాటు చేసిన BYD Cars , త్వరలోనే భారతదేశంలోనూ విస్తరణ చేయనుంది. ప్రస్తుతం ఉత్తర భారతదేశంతో పోలిస్తే, దక్షిణ భారతదేశంలో ఎలక్ట్రిక్ వాహనాల వినియోగం ఎక్కువగా ఉంది. ప్రభుత్వం కూడా ఎలక్ట్రిక్ వాహనాల ప్రోత్సాహానికి అనేక విధంగా సబ్సిడీలు అందిస్తోంది. టాటా వంటి భారతీయ కంపెనీలు కూడా దేశవ్యాప్తంగా ఛార్జింగ్ స్టేషన్లను ఏర్పాటు చేయడానికి ప్రణాళికలు సిద్ధం చేస్తున్నాయి.
భవిష్యత్తులో ఎలక్ట్రిక్ వాహనాల మార్గం
ప్రభుత్వం ప్రకారం, ప్రతి 50 కిలోమీటర్లకు ఒక వేగవంతమైన ఛార్జింగ్ స్టేషన్ ఉండేలా ప్రణాళిక రూపొందిస్తున్నారు. ప్రస్తుతం ఈ సంఖ్య తక్కువగా ఉన్నా, త్వరలో పెరుగుతుందనే అంచనాలు ఉన్నాయి. చార్జింగ్ స్టేషన్లు పెరిగితే, ఎలక్ట్రిక్ వాహనాల వినియోగం కూడా స్వయంచాలకంగా పెరుగుతుంది. ఈ టెక్నాలజీ ద్వారా కాలుష్యాన్ని తగ్గించడమే కాకుండా, వినియోగదారులకు ఖర్చు తగ్గించే అవకాశం ఉంది.
భవిష్యత్తులో పెట్రోల్, డీజిల్ వాహనాలకు ప్రత్యామ్నాయంగా ఎలక్ట్రిక్ వాహనాల వినియోగం మరింత విస్తరించనుంది. వేగవంతమైన ఛార్జింగ్ టెక్నాలజీ అందుబాటులోకి వస్తే, ఎలక్ట్రిక్ వాహనాలు మార్కెట్లో మరింత ప్రాచుర్యం పొందుతాయి. ప్రస్తుత పరిణామాలను పరిశీలిస్తే, త్వరలోనే భారతదేశ రహదారులపై ఎక్కువగా ఎలక్ట్రిక్ కార్లు కనిపించే అవకాశం ఉంది.