అందరికీ తెలిసినట్టు, యూరిక్ యాసిడ్ (Uric Acid) అంటే గౌట్, కీళ్ల నొప్పులే గుర్తొస్తాయి. కానీ తాజా పరిశోధనలు మాత్రం ఇది అంతే సరిపోదు అంటున్నాయి. ఇది గుండె ఆరోగ్యానికి కూడా ముప్పుగా మారుతోందని నిపుణులు హెచ్చరిస్తున్నారు.యూరిక్ యాసిడ్ (Uric Acid) శరీరంలోని ప్యూరిన్ల జీవక్రియ తర్వాత ఏర్పడే వ్యర్థ పదార్థం. సాధారణంగా ఇది మూత్రపిండాల ద్వారా బయటకు వెళ్లిపోతుంది. కానీ, దీనిపై నియంత్రణ లేకపోతే ఇది ఆక్సిడేటివ్ స్ట్రెస్ను పెంచి రక్తనాళాలకు నెమ్మదిగా నష్టం కలిగిస్తుంది. ఎటువంటి లక్షణాల్లేకుండా ఇది గుండెపోటుకే దారితీస్తుంది.
కొలెస్ట్రాల్ లేకున్నా ప్రమాదం ఉంటుందా?
కొలెస్ట్రాల్ స్థాయిలు సరిగానే ఉన్నా, అధిక యూరిక్ యాసిడ్ ఉన్నవారిలో గుండెపోటు వచ్చే అవకాశం ఎక్కువగా ఉంటుందని అధ్యయనాలు చెబుతున్నాయి. చిన్న రక్తనాళాల్లో బిగుదల ఏర్పడటంతో, గుండెకు ఆక్సిజన్ సరఫరాలో ఆటంకం కలుగుతుంది.మెటబాలిక్ సిండ్రోమ్ అనగా అధిక బీపీ, బరువు, షుగర్ల సమ్మేళనం. గతంలో యూరిక్ యాసిడ్ దీనికి తోడు మాత్రమేనని భావించేవారు. కానీ తాజా అభిప్రాయాల ప్రకారం, ఇది ప్రధాన కారకమేనని పరిశోధకులు చెబుతున్నారు. ఇది ఇన్సులిన్ నిరోధకతను ప్రేరేపిస్తుంది.
యూరిక్ యాసిడ్ పెరగడానికి అసలు కారణాలు?
మాంసం, సముద్రాహారం, ప్యాకేజ్డ్ డ్రింక్స్ తప్ప…
డీహైడ్రేషన్
క్రాష్ డైటింగ్
నిద్రలేమి
హై ఫ్రక్టోజ్ ఆహారం కూడా ప్రధాన కారకాలు.
ఎలా నియంత్రించాలి?
నీటిని తరచుగా తాగండి
భోజనం తర్వాత నడవండి
మెగ్నీషియం ఫుడ్ తీసుకోండి
ఉప్పు తగ్గించండి
ధ్యానం, శ్వాస వ్యాయామాలు చేయండి
గమనించాల్సిన అంశం
7 mg/dL వరకు యూరిక్ యాసిడ్ సాధారణం. కానీ గుండె సమస్యలున్నవారు 5.5 mg/dL లోపు ఉంచుకోవడం మంచిది. ప్రతి నివేదిక ‘నార్మల్’ అని చెప్పినా, నిజంగా అది ఆరోగ్యంగా ఉందో అని పరిశీలించాలి.గమనిక: ఇది ఆరోగ్య సమాచార ప్రయోజనాల కోసం మాత్రమే. ఏ నిర్ణయానికి వచ్చినా ముందుగా డాక్టర్ సలహా (Doctor’s advice) తప్పనిసరి.
Read Also : Tulsi: తులసి ఆకూల తో డయాబెటిస్ కంట్రోల్
