తిరుమల వెళ్లే భక్తుల సౌకర్యార్థం తిరుమల తిరుపతి దేవస్థానం (TTD) ఒక వినూత్న నిర్ణయం తీసుకుంది. సాధారణంగా స్వామివారికి మొక్కులు చెల్లించే క్రమంలో హుండీలో నగదు లేదా నాణేలు వేస్తుంటారు. అయితే, భక్తుల వద్ద చిల్లర లేకపోయినా లేదా నగదు అందుబాటులో లేకపోయినా ఇబ్బంది పడకుండా ‘ముడుపు పత్రం’ అనే విధానాన్ని తీసుకురానుంది. నేడు జరిగే పాలకమండలి సమావేశంలో ఈ అంశంపై తుది నిర్ణయం తీసుకోనున్నారు. దీనివల్ల భక్తులు ఎలాంటి టెన్షన్ లేకుండా తమ మొక్కులను సమర్పించుకోవచ్చు.
Read also: Telangana: యాదగిరిగుట్టలో ఘనంగా బ్రహ్మోత్సవాలు ప్రారంభం..
Good news for Srivari devotees
ఫోన్ పే ద్వారా కానుకలు: ముడుపు పత్రం ఎలా పొందాలి?
ఈ నూతన విధానం ప్రకారం తిరుపతి మరియు తిరుమలలో ప్రత్యేక కౌంటర్లు ఏర్పాటు చేస్తారు. భక్తులు తమ మొబైల్ ద్వారా ఫోన్ పే, గూగుల్ పే లేదా పేటీఎం వంటి డిజిటల్ యాప్స్ ఉపయోగించి డబ్బులు చెల్లించవచ్చు. మీరు చెల్లించిన మొత్తానికి సమానమైన విలువ కలిగిన ‘ముడుపు పత్రాన్ని’ టీటీడీ సిబ్బంది మీకు అందజేస్తారు. ఈ పత్రాన్ని నేరుగా శ్రీవారి హుండీలో వేయడం ద్వారా మీ మొక్కు పూర్తవుతుంది. వంద రూపాయల నుండి లక్ష రూపాయల వరకు ఈ పత్రాలను పొందే వీలుంటుంది.
అన్నప్రసాదం విరాళాల్లో మార్పులు: సామాన్యులకు అవకాశం
శ్రీవారి అన్నప్రసాదం ట్రస్టుకు విరాళాలు ఇచ్చే విషయంలో కూడా టీటీడీ కీలక మార్పులు చేస్తోంది. ప్రస్తుతం ఒక రోజంతా అన్నదానం చేయడానికి దాదాపు 44 లక్షల రూపాయలు అవసరమవుతాయి. అంత పెద్ద మొత్తం ఇవ్వలేని సామాన్య భక్తుల కోసం చిన్న మొత్తంలో విరాళాలు ఇచ్చే వెసులుబాటు కల్పిస్తున్నారు. పది మందికి లేదా వంద మందికి సరిపడా భోజన ఖర్చును విరాళంగా ఇచ్చి, వారి పేరు మీద అన్నదానం చేసేలా ప్లాన్ చేస్తున్నారు. దీనితో పాటు లడ్డూ కౌంటర్లలో పర్యావరణ హితమైన జూట్ బ్యాగులను అందుబాటులోకి తేనున్నారు.
Read hindi news: hindi.vaartha.com
Epaper: epaper.vaartha.com
Read Also: