తెలంగాణ ప్రభుత్వం ప్రతిష్టాత్మకంగా చేపట్టిన ఇందిరమ్మ ఇళ్ల పథకంలో కీలక అడుగు పడింది. ఈ నెలాఖరులోగా లక్ష ఇళ్లను లబ్ధిదారులకు అప్పగించి గృహ ప్రవేశాలు చేయించాలని మంత్రి పొంగులేటి శ్రీనివాసరెడ్డి అధికారులను ఆదేశించారు. దీనికి సంబంధించి త్వరలోనే ఒక మంచి ముహూర్తాన్ని ఖరారు చేసి తేదీని ప్రకటిస్తామని ఆయన వెల్లడించారు. ఇప్పటికే మంజూరైన ఇళ్లలో పనులు వేగవంతం చేయాలని, మార్చి 31లోపు గ్రౌండింగ్ ప్రక్రియ పూర్తి కావాలని స్పష్టం చేశారు. పేద ప్రజల సొంతింటి కల నెరవేర్చడమే ప్రభుత్వ ప్రధాన లక్ష్యమని ఈ సందర్భంగా ఆయన గుర్తు చేశారు.
Read also: Urea App: యూరియా యాప్ లో కీలక మార్పులు
Indiramma houses
ఏప్రిల్ నుండి రెండో విడత ప్రారంభం
మొదటి విడత ఇళ్ల పంపిణీ కొలిక్కి వస్తున్న నేపథ్యంలో, ఏప్రిల్ నెలలో ఇందిరమ్మ ఇళ్ల రెండో విడత కార్యక్రమాన్ని ప్రారంభించనున్నట్లు మంత్రి ప్రకటించారు. ఇందుకోసం జిల్లా హౌసింగ్ అధికారులతో వీడియో కాన్ఫరెన్స్ నిర్వహించి 99 రోజుల ప్రత్యేక కార్యాచరణను విడుదల చేశారు. సొంత స్థలం ఉండి ఇల్లు నిర్మించుకునే వారికి ఇచ్చే రూ. 5 లక్షల ఆర్థిక సాయం నిరంతరాయంగా అందేలా చూడాలని ఆదేశించారు. నిర్మాణ సామగ్రి ధరలు పెరగకుండా జిల్లా కలెక్టర్ల ఆధ్వర్యంలో ప్రత్యేక కమిటీలు నిఘా ఉంచుతాయని ఆయన హామీ ఇచ్చారు.
డబుల్ బెడ్ రూం ఇళ్ల కేటాయింపు
ఇందిరమ్మ ఇళ్లతో పాటు గతంలో పెండింగ్లో ఉన్న డబుల్ బెడ్ రూం ఇళ్లపై కూడా ప్రభుత్వం దృష్టి సారించింది. మార్చి 31లోపు అర్హులైన లబ్ధిదారుల ఎంపిక ప్రక్రియను పూర్తి చేయాలని మంత్రి అధికారులకు సూచించారు. ముఖ్యంగా ఇళ్ల స్థలం లేని పేద కుటుంబాలకు ఈ రెండు పడకల గదుల ఇళ్ల కేటాయింపులో ప్రాధాన్యత ఇవ్వాలని నిర్ణయించారు. హౌసింగ్ బోర్డు పరిధిలో ఆగిపోయిన 5 వేల రిజిస్ట్రేషన్లను కూడా త్వరలోనే పూర్తి చేస్తామని చెప్పారు. పారదర్శకత కోసం కొత్తగా హౌసింగ్ రిజిస్ట్రేషన్ పోర్టల్ను అందుబాటులోకి తీసుకువచ్చినట్లు మంత్రి వివరించారు.
Read hindi news: hindi.vaartha.com
Epaper: epaper.vaartha.com
Read Also: