బెంగళూరు-హైదరాబాద్ మధ్య రైలు ప్రయాణం సమయం భారీగా తగ్గిపోనుంది. అతి త్వరలోనే మరింత వేగవంతంగా, సౌకర్యవంతంగా ప్రయాణం మారనుంది. వచ్చే నెల నుంచి అమలులోకి రానున్న ఈ మార్పులు..దక్షిణ భారత రైల్వే నెట్వర్క్లో జరుగుతున్న కీలక మౌలిక సదుపాయాల అభివృద్ధికి ప్రత్యక్ష ఫలితంగా నిలవనున్నాయి. ఈ ప్రాజెక్టును అమలు చేస్తున్న South Western Railway (SWR), బెంగళూరు-హైదరాబాద్ (Bangalore) (Hyderabad) కారిడార్ను అధిక వేగంతో పాటుగా అధిక సామర్థ్యంతో నడిచే మార్గంగా అభివృద్ధి చేయడంపై ప్రత్యేక దృష్టి సారించింది. దక్షిణ ఆంధ్రప్రదేశ్లోని మాకాజిపల్లి, ధర్మవరం మధ్య 30 కిలోమీటర్ల మేర ట్రాక్ డబ్లింగ్ పనులు పూర్తికావడంతో ఈ మార్గంలో కీలక మార్పులు చోటుచేసుకున్నాయి. ఈ సెక్షన్కు రైల్వే భద్రతా కమిషనర్ గరిష్టంగా 110 కి.మీ. వేగంతో రైళ్లను నడపడానికి అనుమతి ఇవ్వడం విశేషం. డబ్లింగ్తో పాటు ట్రాక్ నాణ్యతను మెరుగుపరచడంతో.. రైళ్లు ఇప్పటి వరకు కంటే వేగంగా, సాఫీగా ప్రయాణించేందుకు మార్గం సుగమమైంది.
Read Also: Saudi Arabia Crime: రియాద్లో రాజమండ్రి దంపతుల హత్య
ఐదు లైన్లతో కూడిన ఒక స్టేషన్ యార్డ్ను అభివృద్ధి
ఈ అభివృద్ధితో పెనుకొండ నుంచి ధర్మవరం వరకు మొత్తం డబ్లింగ్ ప్రాజెక్టు ఇప్పుడు 110 కి.మీ. గరిష్ట వేగానికి అనుకూలంగా పూర్తయింది. ఈ ప్రాజెక్టు కేవలం ట్రాక్ డబ్లింగ్కే పరిమితం కాకుండా, విస్తృత మౌలిక సదుపాయాల అభివృద్ధిని కూడా కలిగి ఉంది. మొత్తం మార్గంలో 66 చిన్న వంతెనలు.. 15 రోడ్డు అండర్ బ్రిడ్జులు, ఒక ఫుట్ ఓవర్ బ్రిడ్జి నిర్మాణం పూర్తయ్యాయి. అదనంగా, ఐదు లైన్లతో కూడిన ఒక స్టేషన్ యార్డ్ను అభివృద్ధి చేయడం ద్వారా రైళ్ల రాకపోకలను మరింత సులభతరం చేశారు.
ఇంకో కీలకమైన విషయం ఏమిటంటే.. ఉత్తర Bengaluru లోని యలహంక నుంచి ధర్మవరం వరకు గరిష్ట వేగాన్ని 130 కి.మీ.కు పెంచే పనులు కూడా తుది దశలో ఉన్నాయి. ఇవి మార్చి నాటికి పూర్తవుతాయని రైల్వే అధికారులు తెలిపారు. ఈ వేగం పెంపుతో బెంగళూరు-హైదరాబాద్ మధ్య ప్రయాణ సమయం గణనీయంగా తగ్గే అవకాశముంది.
అప్గ్రేడ్ల వల్ల సుమారు 161 కిలోమీటర్ల పొడవైన కీలక కారిడార్
ముఖ్యంగా దీర్ఘదూర ప్రయాణికులు, ఉద్యోగ అవసరాల కోసం తరచూ ప్రయాణించే వారు ఈ మార్పులను నేరుగా ఆస్వాదించనున్నారు. ఈ అప్గ్రేడ్ల వల్ల సుమారు 161 కిలోమీటర్ల పొడవైన కీలక కారిడార్ లాభపడనుంది. ఇందులో ముఖ్యంగా Yeshwantpur-Kacheguda Vande Bharat Express వంటి అధిక ఆక్యుపెన్సీ, సెమీ హైస్పీడ్ రైళ్లు ఉన్నాయి. వేగం పెరగడం వల్ల ఆలస్యాలు తగ్గి, టైమ్టేబుల్ విశ్వసనీయత మెరుగుపడుతుందని రైల్వే వర్గాలు భావిస్తున్నాయి. ఈ అభివృద్ధి బెంగళూరు, హైదరాబాద్ వంటి రెండు ప్రధాన నగరాల మధ్య ఆర్థిక, ఐటీ, వాణిజ్య సంబంధాలను మరింత బలపరచనుంది.
Read hindi news: hindi.vaartha.com
Epaper: epaper.vaartha.com
Read Also: