ఎప్స్టీన్ సెక్స్ కుంభకోణం ప్రపంచవ్యాప్తంగా ప్రకంపనలు సృష్టిస్తోంది. ఈ వ్వవహారంలో మైక్రోసాఫ్ట్ సహ-వ్యవస్థాపకుడు బిల్గేట్స్ కూడా అభియోగాలను ఎదుర్కొంటున్నారు. తాజాగా బిల్గేట్స్ ఈ అంశంపై స్పందించారు. ఎప్స్టీన్తో గడిపిన ప్రతీ క్షణానికి ఇప్పుడు చింతిస్తున్నట్లు ఆయన చెప్పారు. అందుకు తాను క్షమాపణలు కోరుతున్నట్లు బిల్ గేట్స్(Bill Gates) తెలిపారు. ఆస్ట్రేలియా మీడియాకు ఇచ్చిన ఇంటర్వ్యూలో బిల్గేట్స్ ఈ వ్యాఖ్యలు చేశారు. ఎప్స్టీన్ సెక్స్ కుంభకోణం సంబంధించి సుమారు 30లక్షల పేజీలను ఇటీవల అమెరికా న్యాయశాఖ విడుదల చేసింది. అందులో బిల్గేట్స్కు సంబంధించిన ఓ విషయం వెలుగులోకి వచ్చింది. ఆయనకు రష్యన్ మహిళలతో లైంగిక సంబంధాలు ఉన్నాయని, అందువల్ల ఆయన సుఖవ్యాధుల బారినపడ్డారని 2013లో రాసిన ఈ-మెయిల్లో ఎప్స్టీన్ పేర్కొన్నారు.
Read Also: EC : బిజెపి ఏజెంట్ గా EC పనిచేస్తోంది – మమతా
ఎప్స్టీన్ ఈ-మెయిల్లో రాసినది నిజం కాదు
అయితే, ఈ అంశంపై మాట్లాడిన బిల్గేట్స్ ఎప్స్టీన్ ఈ-మెయిల్లో రాసినది నిజం కాదని, ఆ సమయంలో అతని ఆలోచన ఏంటో తనకు తెలియదన్నారు. తనను ఈ విధంగా టార్గెట్ చేస్తాడని ఊహించలేదన్నారు. మరోవైపు, ఈ-మెయిల్ అంశాలను గేట్స్ బృందం కూడా తీవ్రంగా ఖండించింది. ఇవి పూర్తిగా అసంబద్ధమైనవని అతని ప్రతినిధి మీడియాతో పేర్కొన్నారు. తనతో సంబంధాలు కొనసాగించకపోవడం వల్లే ఎప్స్టీన్ ఇలాంటి నిరాధారమైన ఆరోపణలు చేశాడని ఆయన తెలిపారు.
ఇతర మహిళలతో సన్నిహితంగా ఉన్నట్లు తెలియడంతోనే విడాకులు
ఇదిలా ఉండగా, ఎప్స్టీన్ సెక్స్ కుంభకోణం గురించి బిల్గేట్స్ భార్య కూడా ఇది వరకే స్పందించారు. బిల్గేట్స్ ఇతర మహిళలతో సన్నిహితంగా ఉన్నట్లు తెలియడంతో తాను మానసిక క్షోభను అనుభవించానని ఆమె చెప్పారు. తన జీవితంలో ఆ సమయం చాలా బాధాకరమైనదని పేర్కొన్నారు. తమ బంధాన్ని కాపాడుకోవడానికి కావాల్సిన విలువలను బిల్గేట్స్ నిలబెట్టుకోకపోవడం వల్లే ఆయనతో విడాకులు తీసుకున్నట్లు తెలిపారు. అయితే, ఇప్పుడు బయటకు వచ్చిన వార్తలపై మాత్రం బిల్గేట్సే సమాధానం ఇవ్వాలని ఆమె అన్నారు. ఎప్స్టీన్ కుంభకోణంలో బాధిత మహిళలకు తప్పకుండా న్యాయం జరుగుతుందని ఆశిస్తున్నట్లు ఆమె పేర్కొన్నారు.
Read hindi news: hindi.vaartha.com
Read Also Epaper : epaper.vaartha.com
Read Also: