పశ్చిమాసియా దేశాలపై అగ్రరాజ్యం అమెరికా విరుచుకుపడుతోంది. తనకు అనుకూలంగా లేని దేశాలపై యుద్ధాన్ని ప్రకటించింది. తాజాగా అమెరికా (America)– ఇరాన్(Iran) యుద్దం మీద కీలకమైన న్యూస్ వెలుగులోకి వచ్చింది. ఈ విషయాన్ని బయటపెట్టింది స్పెయిన్ దేశం. ఇప్పుడు ఇరాన్పై జరుగుతున్న యుద్ధం సమయంలో ఓ అంశం అమెరికా – స్పెయిన్ మధ్య తీవ్ర వివాదానికి దారితీసింది.బుధవారం నాడు వైట్ హౌస్.. Spain తన సైనిక స్థావరాన్ని ఉపయోగించడానికి అమెరికా దళాలకు అనుమతి ఇచ్చిందని తెలిపింది. అయితే స్పానిష్ విదేశాంగ మంత్రి జోస్ మాన్యుయెల్ అల్బారెజ్ ఈ వాదనను పూర్తిగా ఖండించారు. ఈ నేపథ్యంలో రెండు దేశాల మధ్య దౌత్యపరమైన ఉద్రిక్తతలు తీవ్రతరం అవుతున్నాయి. మధ్యప్రాచ్యంలో సైనిక కార్యకలాపాల కోసం స్పెయిన్ తన సైనిక స్థావరాలను అమెరికా ఉపయోగించడానికి అనుమతించిందని వైట్ హౌస్ ప్రకటించిన తర్వాత వివాదాలు మరింతగా ముదిరాయి. స్పెయిన్ తన విదేశీ విధానంలో ఎటువంటి మార్పు చేసేది లేదని.. యుద్ధ కార్యకలాపాల్లో పాల్గొననని స్పష్టంగా తెలిపింది. స్పానిష్ విదేశాంగ మంత్రి జోస్ మాన్యుయెల్ అల్బారెస్ మాట్లాడుతూ.. ఇరాన్పై దాడికి స్పెయిన్ సైనిక స్థావరాలను ఉపయోగించడానికి అనుమతించలేదు.
Read Also: Dubai Stranded Passengers: దుబాయ్ బాధితులకు నటుడు సోనూసూద్ భరోసా
ఇరాన్ తర్వాత ఈక్వెడార్ మీద గురిపెట్టిన అమెరికా
అలాంటి చర్యలు యుఎన్ చార్టర్లోకి రాకపోవడం వల్ల స్పెయిన్ యుద్ధాన్ని ప్రేరేపించదని పేర్కొన్నారు. స్పానిష్ రేడియో స్టేషన్కు ఇచ్చిన ఇంటర్వ్యూలో.. వైట్ హౌస్ వాదనలు అవాస్తవమని ఆయన పేర్కొన్నారు. మధ్యప్రాచ్యంలో జరిగే యుద్ధం, ఇరాన్పై సైనిక దాడులపై స్పెయిన్ వైఖరి అలాగే ఉందని.. అది ఏ మాత్రం మారలేదని స్పష్టత ఇచ్చారు. నార్కో-టెర్రరిస్ట్ గ్రూపులను ఏరిపారేస్తున్న ట్రంప్ సైన్యం.. ఈ ఘటన తర్వాత అమెరికా అధ్యక్షుడు డొనాల్డ్ ట్రంప్ స్పెయిన్ను హెచ్చరించారు. స్పెయిన్ సహకరించకపోతే.. వాణిజ్య సంబంధాలపై కఠిన చర్యలు తీసుకోగలమని ఆయన చెప్పారు. ఈ హెచ్చరిక రెండు దేశాల మధ్య వాక్చాతుర్యాన్ని మరింత పెంచింది. ఈ నేపథ్యంలో స్పానిష్ ప్రధాన మంత్రి పెడ్రో సాంచెజ్ మాట్లాడుతూ.. స్పెయిన్ ఏ హానికరమైన చర్యలోనూ పాల్గోనేదు. మేము అంతర్జాతీయ చట్టాలు, UN నిబంధనలకు కట్టుబడి ఉంటామని స్పష్టం చేశారు. ఇరాన్పై అమెరికా సైనిక చర్యలకు స్పెయిన్ మద్దతు ఇవ్వకపోవడం వల్ల.. రెండు దేశాల మధ్య దౌత్య వివాదం మరింత తీవ్రతరం అయ్యింది. ఈ నేపథ్యంలో స్పెయిన్-అమెరికా సంబంధాలు ఒక కష్టమయిన దశలో ఉన్నాయి. ట్రంప్ హెచ్చరికలు, వైట్ హౌస్ వాదనలు, స్పానిష్ నిరాకరణల మధ్య.. యూరోపియన్ దేశాల అవగాహన, అంతర్జాతీయ చట్టాలకు కట్టుబడి ఉండటం కీలకంగా ఉంది.
Read hindi news: hindi.vaartha.com
Epaper: epaper.vaartha.com
Read Also: