గుజరాత్ అహ్మదాబాద్లో (In Ahmedabad, Gujarat) గురువారం మధ్యాహ్నం ఘోర ప్రమాదం చోటుచేసుకుంది. 242 మంది ప్రయాణికులతో వెళ్తున్న ఎయిర్ ఇండియా బోయింగ్ 787-8 డ్రీమ్లైనర్ ఒక్కసారిగా కుప్పకూలింది. ఈ విషాద ఘటన దేశవ్యాప్తంగా దిగ్భ్రాంతి కలిగించింది.ఇప్పటివరకు అందిన సమాచారం ప్రకారం ఈ ఘటనలో 35 మంది మృతి (35 people died) చెందారు. గతంలో భారత్లో చోటుచేసుకున్న వివిధ విమాన ప్రమాదాలను ఇప్పుడు ఓసారి గుర్తుచేసుకుందాం.
2020, కాలికట్
ఆగస్టు 7న ఎయిర్ ఇండియా ఎక్స్ప్రెస్ విమానం రన్వే దాటి ప్రమాదానికి గురైంది. ఈ ఘటనలో 18 మంది మృతి చెందగా, 172 మంది ప్రాణాలతో బయటపడ్డారు.
2010, మంగళూరు
మే 22న జరిగిన ఈ ఘటనలో విమానం రన్వే దాటి కూలింది. 158 మంది మృతి చెందగా, కేవలం 8 మంది మాత్రమే బతికారు.
2000, పాట్నా
జూలై 17న అలయన్స్ ఎయిర్ విమానం రెసిడెన్షియల్ ఏరియాలో కూలిపోయింది. ఇందులో 60 మంది మరణించారు.
1996, చర్ఖీ దాద్రీ
నవంబర్ 12న రెండు విమానాలు గాలిలో ఢీకొన్నాయి. 349 మంది ప్రయాణికులు అక్కడికక్కడే మృతి చెందారు.
1993, ఔరంగాబాద్
ఏప్రిల్ 26న టేకాఫ్ సమయంలో ట్రక్కును ఢీకొన్న ఈ ప్రమాదంలో 55 మంది మరణించారు.
1991, ఇంఫాల్
ఆగస్టు 16న జరిగిన ఈ ప్రమాదంలో 69 మంది ప్రాణాలు కోల్పోయారు.
1990, బెంగళూరు
ఫిబ్రవరి 14న జరిగిన ఘటనలో 92 మంది మరణించారు.
1988, అహ్మదాబాద్
అక్టోబర్ 19న ల్యాండింగ్ సమయంలో విమానం కూలిపోయింది. 133 మంది అక్కడికక్కడే చనిపోయారు.
1982, ముంబై
జూన్ 21న వాతావరణ మార్పుల కారణంగా విమానం కూలింది. 17 మంది మరణించారు.
1978, బాంద్రా
జనవరి 1న జరిగిన ఈ ఘోర ప్రమాదంలో 213 మంది మృతి చెందారు.ఈ ప్రమాదాలన్నింటిలోనూ వాతావరణం, రన్వే పొడవు, పైలట్ తప్పిదం వంటి అంశాలే ప్రధాన కారణాలుగా నిలిచాయి. ప్రతి సంఘటన విమాన భద్రతపై ప్రశ్నలు లేవనెత్తింది. ఈ దుర్ఘటనల్ని గుర్తు చేసుకుంటూ, భవిష్యత్తులో మరింత జాగ్రత్తలు తీసుకోవాల్సిన అవసరం ఉందన్నది స్పష్టం అవుతోంది.
Read Also : Ahmedabad Plane Crash: అహ్మదాబాద్ ఎయిర్ ఇండియా విమాన ప్రమాదం..సినీ ప్రముఖుల సంతాపం
