Gold price drop : బంగారం కొనుగోలు చేయాలనుకునే వారికి శుభవార్త అందింది. దేశీయ బులియన్ మార్కెట్లో వరుసగా ఐదు రోజుల పాటు పెరిగిన పసిడి ధరలు ఎట్టకేలకు తగ్గాయి. ఈ తగ్గుదలతో పసిడి ప్రియులు ఊపిరిపీల్చుకున్నారు. అయితే వెండి ధరలు గత మూడు రోజులుగా స్థిరంగానే కొనసాగుతున్నాయి.
అంతర్జాతీయ మార్కెట్లో గోల్డ్ రేట్లు భారీగా పడిపోవడం దేశీయ ధరలపై ప్రభావం చూపింది. స్పాట్ గోల్డ్ ధర ఔన్సుకు 109 డాలర్ల మేర పడిపోవడంతో ప్రస్తుతం 4964 డాలర్ల వద్ద ట్రేడవుతోంది. స్పాట్ సిల్వర్ ధర కూడా తగ్గి ఔన్సుకు 76.63 డాలర్ల వద్ద కొనసాగుతోంది.
Read Also: Thailand: డే కేర్ స్కూల్లో కాల్పులు
హైదరాబాద్ బులియన్ మార్కెట్లో 24 క్యారెట్ల బంగారం ధర 10 గ్రాములకు సుమారు ₹1,200 తగ్గి ₹1,58,400కు చేరింది. అలాగే 22 క్యారెట్ల బంగారం ధర 10 గ్రాములకు ₹1,100 తగ్గి ₹1,45,200 వద్ద నమోదైంది. మరోవైపు వెండి ధరలో మార్పు లేకుండా కిలో ధర సుమారు ₹3,00,000 వద్ద కొనసాగుతోంది.
వచ్చే వారం నుంచి పెళ్లిళ్ల సీజన్ ప్రారంభమవుతున్న నేపథ్యంలో ధరలు తగ్గడం కొనుగోలుదారులకు అనుకూలంగా మారింది. అయితే బులియన్ మార్కెట్ ధరలు రోజులో మారే అవకాశం ఉండటంతో కొనుగోలు ముందు స్థానిక రేట్లు తెలుసుకోవడం మంచిది.
Read hindi news: hindi.vaartha.com
Read Also Epaper : epaper.vaartha.com
Read Also: