Gold price today : మహిళలకు అదిరే శుభవార్త.. మళ్లీ రూ. 2 వేలకుపైగా తగ్గిన బంగారం ధర.. తులం గోల్డ్ ఇప్పుడు ఎంతంటే?
పసిడి ప్రియులకు మళ్లీ గుడ్న్యూస్ అందింది. పశ్చిమాసియాలో యుద్ధ పరిస్థితులు కొనసాగుతున్నప్పటికీ బంగారం, వెండి ధరలు మాత్రం వరుసగా తగ్గుతున్నాయి. హైదరాబాద్ నగరంలో 22 క్యారెట్ల గోల్డ్ ధర ఒక్కరోజులోనే రూ.2,000కుపైగా పడిపోయింది.
ప్రస్తుతం 10 గ్రాముల 22 క్యారెట్ల బంగారం ధర రూ.1,44,300 వద్ద ట్రేడవుతోంది. అలాగే వెండి ధర కూడా భారీగా తగ్గి కిలోకు రూ.2.76 లక్షల వద్ద కొనసాగుతోంది.
ఎందుకు తగ్గుతున్నాయి ధరలు?
యూఎస్ ఫెడరల్ రిజర్వ్ కీలక సమావేశానికి ముందు మార్కెట్లలో అనిశ్చితి నెలకొంది. మార్చి 17-18 తేదీల్లో జరిగే ఈ సమావేశంలో వడ్డీ రేట్లు తగ్గే అవకాశాలు తక్కువగా ఉన్నాయని అంచనాలు ఉన్నాయి.
ఫెడ్ వడ్డీ రేట్లు తగ్గిస్తే బంగారం ధరలు పెరుగుతాయి. అయితే ప్రస్తుతం వడ్డీ రేట్లు యథాతథంగా కొనసాగుతాయని భావించడం వల్ల బంగారం ఆకర్షణ తగ్గుతోంది.
డాలర్ ప్రభావం
మరోవైపు యూఎస్ డాలర్ విలువ కూడా పెరుగుతోంది. డాలర్ బలపడితే పెట్టుబడులు ఆ వైపు మళ్లుతాయి. దీంతో బంగారం ధరలు తగ్గుతాయి.
యూఎస్ ట్రెజరీ బాండ్ ఈల్డ్స్ కూడా పెరగడంతో బంగారం పై ఒత్తిడి పెరిగింది. దీంతో అంతర్జాతీయ మార్కెట్లో కూడా గోల్డ్ రేట్లు తగ్గుముఖం పట్టాయి.
Read Also: Gavaskar on Kavya Maran: కావ్య మారన్పై సునీల్ గవాస్కర్ ఫైర్
అంతర్జాతీయ మార్కెట్ పరిస్థితి
మార్చి 17 ఉదయం నాటికి అంతర్జాతీయ మార్కెట్లో స్పాట్ గోల్డ్ ధర ఔన్సుకు 5,000 డాలర్ల వద్ద ఉంది. వెండి ధర సుమారు 81 డాలర్ల స్థాయిలో ట్రేడవుతోంది.
డాలర్తో పోలిస్తే భారత రూపాయి మారకం విలువ ప్రస్తుతం రూ.92.30 వద్ద ఉంది.
5 రోజుల్లో భారీ తగ్గింపు
దేశీయంగా గోల్డ్ రేట్లు వరుసగా పడిపోతున్నాయి. గత ఐదు రోజుల్లోనే బంగారం ధర దాదాపు రూ.5,400 మేర తగ్గింది.
మార్చి 12, 13, 14 తేదీల్లో వరుసగా రూ.1,000, రూ.1,400, రూ.950 తగ్గిన గోల్డ్ రేటు ఇప్పుడు మరోసారి భారీగా పడిపోయింది.
24 క్యారెట్ల బంగారం ధర కూడా రూ.2,240 తగ్గి ప్రస్తుతం రూ.1,57,420 వద్ద ఉంది.
Read hindi news: hindi.vaartha.com
Epaper : epaper.vaartha.com
Read Also:
