సోవరిన్ గోల్డ్ బాండ్ల ప్రధాన ఆకర్షణ వాటిపై వచ్చే పన్ను మినహాయింపు. అయితే, తాజా బడ్జెట్ నిబంధనల ప్రకారం, ఈ పన్ను వెసులుబాటు కేవలం ప్రైమరీ మార్కెట్ ద్వారా కొనుగోలు చేసిన వారికి మాత్రమే వర్తిస్తుంది. అంటే, రిజర్వ్ బ్యాంక్ ఆఫ్ ఇండియా (RBI) కొత్త బాండ్లను జారీ చేసినప్పుడు నేరుగా కొనుగోలు చేసి, 8 ఏళ్ల మెచ్యూరిటీ కాలం వరకు వాటిని ఉంచుకుంటేనే.. మెచ్యూరిటీ సమయంలో వచ్చే లాభంపై (Capital Gains) రూపాయి కూడా పన్ను కట్టాల్సిన పనిలేదు. ఇది దీర్ఘకాలిక ఇన్వెస్టర్లకు మాత్రమే లభించే వెసులుబాటు అని గుర్తుంచుకోవాలి.
YSRCP: చంద్రబాబు ప్రభుత్వంపై రోజా తీవ్ర విమర్శలు
చాలామంది ఇన్వెస్టర్లు స్టాక్ మార్కెట్ (NSE/BSE)లో ఇతరుల దగ్గర నుండి గోల్డ్ బాండ్లను కొనుగోలు చేస్తుంటారు. ఇకపై ఇలా సెకండరీ మార్కెట్లో కొన్న బాండ్లపై మెచ్యూరిటీ సమయంలో వచ్చే లాభాలపై పన్ను మినహాయింపు లభించదు. అంటే, మీరు వేరొకరి దగ్గర కొన్న బాండ్లను మెచ్యూరిటీ వరకు ఉంచుకున్నా, ఆ సమయంలో బంగారం ధర పెరగడం వల్ల వచ్చే లాభంపై ప్రభుత్వానికి ట్యాక్స్ కట్టాల్సి ఉంటుంది. అలాగే, 8 ఏళ్ల మెచ్యూరిటీ కంటే ముందే స్టాక్ మార్కెట్లో ఈ బాండ్లను విక్రయించినా, మీ హోల్డింగ్ పీరియడ్ను బట్టి మూలధన ఆదాయపు పన్ను (Capital Gains Tax) వర్తిస్తుంది.
బంగారం ధర పెరగడంతో పాటు, గోల్డ్ బాండ్లపై ఏటా లభించే 2.5% వడ్డీ విషయంలో పాత పద్ధతే కొనసాగుతుంది. ఈ వడ్డీ మీ వార్షిక ఆదాయానికి కలుస్తుంది కాబట్టి, మీ ఆదాయ పన్ను స్లాబ్ (Income Tax Slab) ప్రకారం దానికి పన్ను చెల్లించాల్సి ఉంటుంది. క్లుప్తంగా చెప్పాలంటే, మీరు కొత్తగా విడుదలయ్యే బాండ్లను కొని 8 ఏళ్లు దాచుకుంటేనే పూర్తి లాభం పొందుతారు. మార్కెట్లో కొనుగోలు చేసేటప్పుడు లేదా ముందస్తుగా విక్రయించేటప్పుడు మాత్రం పన్ను లెక్కలు సరిచూసుకోవడం ఇప్పుడు తప్పనిసరి.
Read hindi news: hindi.vaartha.com
Read Also Epaper : epaper.vaartha.com