CM Revanth Reddy : ఆదిలాబాద్ కూడా ఎయిర్ పోర్టు తెస్తామని సీఎం రేవంత్ రెడ్డి చెప్పారు. ఆదిలాబాద్లో ఎయిర్ పోర్ట్ తెచ్చే బాధ్యత నాదన్నారు. బీజేపీ ఎమ్మెల్యే సూచించిన వివరాలు తీసుకోవాలని అధికారులకు ఆదేశాలు జారీచేశారని తెలిపారు. లాల్ దర్వాజా అభివృద్ధికి నిధులు ఇస్తామని అసెంబ్లీలో ప్రకటించారు. మీరు ఏ సమస్య చెప్పినా చేస్తానంటూ ప్రకటించారు.
ఇది దేశ చరిత్రలోనే రికార్డు
నాకు క్లారిటీ చాలా ఉందని మీరు క్లారిటీకి రండని కోరారు. మీరు సమస్య లేవనెత్తి తే నేనే పరిష్కారం చేస్తానని వెల్లడించారు. మంచి పేరు కూడా నేనే తీసుకుంటానని సీఎం రేవంత్ రెడ్డి తెలిపారు. TGPSC ని గత బీఆర్ఎస్ ప్రభుత్వం సర్వనాశనం చేసిందని సీఎం రేవంత్ రెడ్డి మండిపడ్డారు. డిసెంబర్ 03, 2023 నుంచి ఇప్పటివరకు 57,924 ప్రభుత్వ ఉద్యోగాలిచ్చాం. ఇది దేశ చరిత్రలోనే రికార్డు అని తెలిపారు. స్వాతంత్య్రం వచ్చినప్పటి నుంచి ఏ రాష్ట్రం ఈ ఘనత సాధించలేమని.. 2023 జులై నుంచి సెప్టెంబర్ వరకు నిరుద్యోగ రేటు 22.9 శాతం ఉంటే 2024 జులై నుంచి సెప్టెంబర్ వరకు 18.1 శాతానికి తగ్గింది అని తెలిపారు.
ప్రభుత్వం నుంచి అన్ని సహాయాలు అందిస్తాం
ఆదిలాబాద్ జిల్లాకు ఎయిర్ పోర్టు నిర్మాణం కేవలం జిల్లా అభివృద్ధి కాకుండా, రాష్ట్రం మొత్తం ప్రగతికి దోహదం చేయనుంది. ఈ ప్రాజెక్టును ప్రతిష్టాత్మకంగా చేపడతాము. ప్రభుత్వం నుంచి అన్ని సహాయాలు అందిస్తాం అని రేవంత్ రెడ్డి చెప్పారు. ప్రతిపక్షాలు ఈ ప్రాజెక్టుకు అభ్యంతరాలు వ్యక్తం చేసినా, సీఎం రేవంత్ రెడ్డి ఈ ఆలోచనను దృఢంగా ముందుకు తీసుకెళ్లేందుకు కట్టుబడి ఉన్నారు. ఆయా ప్రతిపక్షాలు మరింత ముందుకు వచ్చి ఆదిలాబాద్ అభివృద్ధి కోసం అనుకూలంగా పాలు పడితే, రాష్ట్ర అభివృద్ధి కోసం ఇది గొప్ప అడుగు అవుతుందని ఆయన సూచించారు.