ప్రస్తుత డిజిటల్ యుగంలో సోషల్ మీడియా వినియోగం ఎంతలా పెరిగిందో, దానివల్ల పొంచి ఉన్న ప్రమాదాలు కూడా అదే స్థాయిలో ఉన్నాయని హైదరాబాద్ పోలీస్ కమిషనర్ వి.సి. సజ్జనార్(VC Sajjanar) హెచ్చరించారు. ముఖ్యంగా ఆడపిల్లలు, యువతులు అపరిచితులతో పరిచయాలు పెంచుకునేటప్పుడు అత్యంత అప్రమత్తంగా ఉండాలని ఆయన సూచించారు. ఈ మేరకు ఆయన ఒక ప్రత్యేక వీడియో సందేశాన్ని విడుదల చేశారు.
Read Also:Moinabad Drugs Case Update: మొయినాబాద్ డ్రగ్స్ కేసులో కీలక మలుపు
VC Sajjanar: అపరిచిత మెసేజ్ రిక్వెస్ట్లతో ముప్పు
ఫేస్బుక్, ఇన్స్టాగ్రామ్ వంటి సామాజిక మాధ్యమాల్లో అపరిచిత వ్యక్తుల నుంచి వచ్చే మెసేజ్ రిక్వెస్ట్లను గుడ్డిగా యాక్సెప్ట్ చేయవద్దని సీపీ స్పష్టం చేశారు. “ఒక చిన్న మెసేజ్ రిక్వెస్ట్ యాక్సెప్ట్ చేయడం వల్ల మీ జీవితమే ప్రమాదంలో పడే అవకాశం ఉంది” అని ఆయన ఆందోళన వ్యక్తం చేశారు. సోషల్ మీడియాలో ఏర్పడే పరిచయాలు యువతులను ఊహించని ఇబ్బందుల్లోకి నెట్టేస్తున్నాయని ఆయన వివరించారు.
పర్సనల్ ఫోటోల ద్వారా బ్లాక్మెయిలింగ్
సైబర్ నేరగాళ్ల పనితీరును వివరిస్తూ.. మొదట వారు స్నేహం పేరుతో దగ్గరవుతారని, నమ్మకం కుదిరిన తర్వాత వ్యక్తిగత ఫోటోలు (Personal Photos) పంపమని కోరుతారని సీపీ తెలిపారు. ఒక్కసారి ఆ ఫోటోలు వారి చేతికి చిక్కాయంటే, ఆ తర్వాత అసలు వేధింపులు మొదలవుతాయని, బ్లాక్మెయిలింగ్కు పాల్పడుతూ మానసిక క్షోభకు గురిచేస్తారని హెచ్చరించారు.
అప్రమత్తతే అసలైన రక్షణ
ఆన్లైన్ ప్రపంచంలో ఎవరో తెలియని వ్యక్తులకు వ్యక్తిగత వివరాలు లేదా ఫోటోలు పంచుకోవడం వల్ల భవిష్యత్తు నాశనమయ్యే ప్రమాదం ఉందని సజ్జనార్ పేర్కొన్నారు. సోషల్ మీడియా ట్రాప్లో పడకుండా ప్రతి ఒక్కరూ జాగ్రత్త వహించాలని, ఏదైనా ఇబ్బంది ఎదురైతే వెంటనే పోలీసులను సంప్రదించాలని ఆయన కోరారు.
Read hindi news: hindi.vaartha.com
Epaper: epaper.vaartha.com
Read Also:
