TG Inter Results 2026: తెలంగాణలో ఇంటర్మీడియట్ విద్యార్థుల నిరీక్షణకు తెరదించుతూ, ఫలితాలను వీలైనంత త్వరగా విడుదల చేసేందుకు ఇంటర్ బోర్డు వేగంగా అడుగులు వేస్తోంది. గత ఏడాది ఎదురైన ఇబ్బందులను దృష్టిలో ఉంచుకుని, ఈసారి విద్యాక్యాలెండర్ను పక్కాగా అమలు చేయాలని అధికారులు భావిస్తున్నారు.
Read Also : AB de Villiers: ఆర్సీబీకి గుండెకాయ విరాట్ కోహ్లీనే: ఏబీ డివిలియర్స్
ఏప్రిల్ మొదటి వారంలోనే తొలి అడుగు
విశ్వసనీయ సమాచారం ప్రకారం, ఏప్రిల్ మొదటి వారంలోనే ఇంటర్ ప్రథమ సంవత్సర ఫలితాలను విడుదల చేసే అవకాశం ఉంది. ఇక ఏప్రిల్ 10వ తేదీ లోపు ద్వితీయ సంవత్సర ఫలితాలను కూడా వెల్లడించి, విద్యార్థులు ఉన్నత విద్యకు సిద్ధమయ్యేలా ప్రణాళికలు రచిస్తున్నారు. జూన్ 1 నుండి కళాశాలలు పునఃప్రారంభం కానున్న నేపథ్యంలో, మే 31 నాటికి సప్లిమెంటరీ ఫలితాలను కూడా ఇచ్చేలా బోర్డు కసరత్తు చేస్తోంది.
TG Inter Results 2026: వేగవంతమైన మూల్యాంకనం.. మారిన సమయ వేళలు
ఫలితాల ప్రక్రియను వేగవంతం చేసేందుకు మూల్యాంకన (Spot Valuation) కేంద్రాల్లో పని గంటలను పెంచారు. గతంలో ఉదయం 10 నుండి సాయంత్రం 5 గంటల వరకు ఉన్న సమయాన్ని, ఇప్పుడు ఉదయం 9 నుండి సాయంత్రం 6 గంటల వరకు పొడిగించారు. అలాగే ఒక్కో అధ్యాపకుడికి రోజుకు ఇచ్చే జవాబు పత్రాల సంఖ్యను కూడా 30 నుండి 45కి పెంచినట్లు తెలుస్తోంది.
విద్యార్థుల ప్రయోజనాలే పరమావధి
గతేడాది ఫలితాల విడుదలలో జరిగిన ఆలస్యం వల్ల ఐఐటీ, ఇంజనీరింగ్ ప్రవేశాల్లో విద్యార్థులు ఇబ్బందులు పడ్డారు. ఆ పరిస్థితి పునరావృతం కాకుండా ఉండేందుకే ఈసారి ముందుగానే ఫలితాలు ఇవ్వాలని బోర్డు నిర్ణయించుకుంది. సుమారు 10 లక్షల మంది విద్యార్థుల భవిష్యత్తును దృష్టిలో ఉంచుకుని ఈ నిర్ణయం తీసుకున్నారు.
Read hindi news: hindi.vaartha.com
Epaper : epaper.vaartha.com
Read Also:
