తెలంగాణ రాష్ట్రంలో నిరుద్యోగులకు మరో అద్భుతమైన అవకాశం అందుబాటులోకి వచ్చింది. (TGSRTCJobs)లో ఖాళీగా ఉన్న కీలక పోస్టుల భర్తీకి తెలంగాణ రాష్ట్ర పోలీసు నియామక బోర్డు (TSLPRB) గురువారం నోటిఫికేషన్ విడుదల చేసింది. ఈ నోటిఫికేషన్ ద్వారా TGSRTCలో ట్రాఫిక్ సూపర్వైజర్ ట్రెయినీ, మెకానికల్ సూపర్వైజర్ ట్రెయినీ వంటి కీలక పోస్టులను నేరుగా భర్తీ చేయనున్నారు. ప్రభుత్వ రంగ ఉద్యోగాలలో స్థిరమైన ఉద్యోగం కోరుకునే యువతకు ఇది ఒక అద్భుతమైన అవకాశమని చెప్పవచ్చు. ఈ నోటిఫికేషన్ ద్వారా మొత్తం 198 పోస్టుల భర్తీ జరుగుతుంది. ఇందులో ట్రాఫిక్ సూపర్వైజర్ ట్రెయినీ విభాగంలో 84 పోస్టులు, మెకానికల్ సూపర్వైజర్ ట్రెయినీ విభాగంలో 114 పోస్టులు ఉన్నాయి. ఈ ఉద్యోగాలకు ఎంపికైన అభ్యర్థులకు నెలకు ₹27,080 నుంచి ₹81,400 వరకు వేతనం అందనుంది. ఈ జీతం మాత్రమే కాకుండా, ఇతర అలవెన్సులు కూడా ప్రభుత్వ నిబంధనల ప్రకారం అందుతాయి. అర్హత కలిగిన అభ్యర్థులు ఆన్లైన్ ద్వారా దరఖాస్తు చేసుకోవాల్సి ఉంటుంది. దరఖాస్తు ప్రక్రియ 2025 డిసెంబరు 30వ తేదీ ఉదయం 8 గంటలకు ప్రారంభమై 2026 జనవరి 20వ తేదీ సాయంత్రం 5 గంటల వరకు అందుబాటులో ఉంటుంది.
Read Also: Sankranthi Gift: 2026 జనవరిలో రైతు యాంత్రికరణ పథకం ప్రారంభం
దరఖాస్తు కోసం TSPLRB అధికారిక వెబ్సైట్
ఆసక్తిగల అభ్యర్థులు TSPLRB అధికారిక వెబ్సైట్ www.tslprb.in లో తన వివరాలను నమోదు చేసుకోవచ్చు. (TGSRTCJobs) దరఖాస్తు చేయడానికి ముందు విద్యార్హతలు, వయోపరిమితి, ఇతర నిబంధనలను పూర్తి వివరాలతో చదవాలని బోర్డు సూచించింది. ప్రత్యేకంగా, ట్రాఫిక్ సూపర్వైజర్ పోస్టులకు ఏదైనా డిగ్రీ, మెకానికల్ సూపర్వైజర్ పోస్టులకు సంబంధిత ఇంజనీరింగ్ డిప్లొమా లేదా డిగ్రీ ఉండటం తప్పనిసరి. ఎంపిక ప్రక్రియలో పూర్తిగా మెరిట్ ఆధారంగా అభ్యర్థులను ఎంపిక చేయబడతారు. ఇందులో పరీక్షా విధానం, సిలబస్, ఫిజికల్ టెస్టుల వివరాలను TSPLRB వెబ్సైట్లో పొందుపరిచిన సమగ్ర నోటిఫికేషన్లో చూడవచ్చు.
Read hindi news: hindi.vaartha.com
Epaper : epaper.vaartha.com
Read Also:
