TG: కౌలు రైతుకు అండగా రైతు కమిషన్

ఆత్మహత్య చేసుకున్న రైతు కుటుంబానికి ఆర్థిక సాయం

హైదరాబాద్ : సాగు కోసం చేసిన అప్పులు తీర్చలేక ఆత్మహత్య చేసుకున్న ఓ కౌలు రైతు కుటుంబానికి (TG) తెలంగాణ రైతు సంక్షేమ కమిషన్ అండగా నిలిచింది. ములుగు జిల్లాలో(Mulugu district) ఆత్మహత్య చేసుకున్న గిరిజన కౌలు రైతు కుటుంబానికి కమిషన్ చైర్మన్ కోదండ రెడ్డి చేతుల మీదు గా కమిషన్ సభ్యుడు భూమి సునీల్ రూ.25 వేల ఆర్థిక సాయం చేశారు. ఈ మేరకు గురువారం తార్నకలోని లీఫ్స్ కార్యాలయంలో ఈ కార్యక్రమానికి హాజరైన కమిషన్ సభ్యులు కేవీఎన్రెడ్డి, రాములునాయక్, గోపాల్ రెడ్డి ఆ కుటుంబానికి అప్పటికప్పుడు నిర్ణయం తీసుకొని అదనంగా మరో రూ.15 వేల ఆర్ధిక సాయమందించారు. కమిషన్ సభ్యురాలు భవానిరెడ్డి కుటుంబ సభ్యులకు ధైర్యం చెప్పారు.

ఆ కుటుంబానికి ఆత్మ స్థైర్యంగా ఉంటూ వారి కుటుంబంలోని పిల్లల్ని బాగా చదివించాలని, అందుకు తగ్గ సాయ మందిస్తామని పేర్కొన్నారు. (TG) ములుగు జిల్లా దేవగిరిపట్నంకు చెందిన గిరిజన రైతు నాగవతరాజు(40) ఎనిమిది ఎకరాల భూమి ని కౌలు తీసుకుని పత్తి, వరి సాగు చేశాడు. వరు సగా మూడేళ్లు పంట నష్టం రావటంతో రూ.5లక్షల వరకు అప్పులు అయ్యాయి.

అప్పుల ఒత్తిడిని తట్టుకోలేక 2020 జనవరి 23న పురుగుల మందు తాగి చికిత్స పొందుతూ మృతి చెందాడు. భార్య లావణ్య కూలీ పనులు, కుట్టు మిషన్తో పోషిస్తోంది. పెద్ద కుమార్తె తేజశ్రీ మానసిక దివ్యాంగురాలు కాగా చిన్న కుమార్తె అంజలి, కుమారుడు జస్వంత్, అర్థ ఉన్నారు. కాగా.. కమి షన్ సభ్యుడు భూమి సునీల్ తన తండ్రి మేక సంజీవరెడ్డి ద్వితీయ వర్ధంతిని రైతు కుటుం బాల ను ఆదుకునే కార్యక్రమంగా మార్చారు. తండ్రి జ్ఞాపకార్థం ప్రతియేటా ఒక రైతు కుటుంబానికి ఆర్థిక సాయం చేయాలని నిర్ణయించుకున్నారు.

Read hindi news: hindi.vaartha.com