తెలంగాణ (TG) రాష్ట్రంలో 10వ తరగతి వార్షిక పరీక్షలు మార్చి 14 నుంచి ప్రారంభం కానున్నాయి. సుమారు 34 రోజులపాటు కొనసాగుతూ ఏప్రిల్ 16 తో పరీక్షలు ముగియనున్నాయి. ఈసారి పరీక్షకు, పరీక్షకు మధ్య 3 నుంచి 5 రోజులపాటు సెలవులు రానున్నాయి. ఇంత ఎక్కువ సెలవుల వ్యవధితో ఎస్ఎస్సి పరీక్షలు జరగడం ఇదే మొదటిసారి. ప్రభుత్వ పరీక్షల డైరెక్టర్ పివి శ్రీహరి మంగళవారం విడుదల చేసిన ప్రకటనలో ఈ షెడ్యూల్ను తెలిపారు.
Read Also: TG: రాష్ట్రంలో మరింత పెరిగిన చలితీవ్రత
పరీక్షల సమయం, విధానంలో మార్పులు
పరీక్షలు ఉదయం 9:30 గంటలకు ప్రారంభమై మధ్యాహ్నం 12:30 గంటల వరకు కొనసాగుతాయి. సైన్స్ పరీక్షను ఫిజిక్స్, బయాలజీగా వేర్వేరుగా నిర్వహించనున్నారు. బయాలజీ పరీక్ష ముగిసిన తరువాత 5 రోజులు సెలవుల అనంతరం సోషల్ స్టడీస్ పరీక్ష జరగనుంది. ఈ విధంగా పరీక్షల మధ్య ఎక్కువ వ్యవధి ఇవ్వడం సెంట్రల్ బోర్డ్ ఆఫ్ సెకండరీ ఎడ్యుకేషన్ (సీబీఎస్ఈ) విధానాన్ని పోలి ఉంది.
సాధారణంగా ఇంటర్మీడియట్ పరీక్షలు ముగిసిన రోజు నుంచి ఎస్ఎస్సి పరీక్షలను ప్రారంభించేవారు. కానీ ఈ ఏడాది మాత్రం ఇంటర్ పరీక్షలు ముగియకముందే టెన్త్ పరీక్షలను ప్రారంభించనున్నారు. తెలంగాణలో (Telangana) ఇంటర్మీడియట్ వార్షిక పరీక్షలు ఫిబ్రవరి 25 నుంచి మార్చి 18 వరకు కొనసాగనున్నాయి. పదో తరగతికి సంబంధించిన 7 పరీక్షలు, ఒకేషనల్ పరీక్షలు రెండు కలిపి మొత్తం 9 పరీక్షలు 34 రోజులపాటు జరగనున్నాయి. రాష్ట్రంలో సుమారు 5 లక్షల మంది విద్యార్థులు ఎస్ఎస్సి పరీక్షలకు హాజరయ్యే అవకాశం ఉంది.
టెన్త్ పరీక్షల పూర్తి షెడ్యూల్
| పరీక్ష తేదీ | వారం | పరీక్ష | పరీక్ష సమయం |
| మార్చి 14 | శనివారం | మొదటి భాషా పరీక్ష | ఉదయం 9:30 – మధ్యాహ్నం 12:30 |
| మార్చి 18 | బుధవారం | సెకండ్ లాంగ్వేజ్ పరీక్ష | ఉదయం 9:30 – మధ్యాహ్నం 12:30 |
| మార్చి 23 | సోమవారం | థర్డ్ లాంగ్వేజ్ ఇంగ్లీష్ | ఉదయం 9:30 – మధ్యాహ్నం 12:30 |
| మార్చి 28 | శనివారం | మ్యాథమాటిక్స్ | ఉదయం 9:30 – మధ్యాహ్నం 12:30 |
| ఏప్రిల్ 2 | గురువారం | సైన్సు పార్ట్-1 (ఫిజిక్స్) | ఉదయం 9:30 – ఉదయం 11:00 |
| ఏప్రిల్ 7 | మంగళవారం | బయలాజికల్ సైన్స్ | ఉదయం 9:30 – ఉదయం 11:00 |
| ఏప్రిల్ 13 | సోమవారం | సోషల్ స్టడీస్ | ఉదయం 9:30 – మధ్యాహ్నం 12:30 |
| ఏప్రిల్ 15 | బుధవారం | ఒకేషనల్ కోర్సు థియరీ పరీక్ష, ఓఎస్ఎస్సి పేపర్-1 | ఉదయం 9:30 – మధ్యాహ్నం 12:30 |
పరీక్షల కాల వ్యవధి మరియు అంతరాయాలు
ఈ పరీక్షా కాలంలో, ఒక్కో పరీక్షకు మధ్య ఎక్కువ వ్యవధి ఇవ్వబడింది, ఇది విద్యార్థులకు బాగా సన్నద్ధం కావడానికి తోడ్పడుతుంది. ఏప్రిల్ 16న టెన్త్ పరీక్షలు ముగియనుండగా, ఇంటర్ పరీక్షలు మాత్రం మార్చి 18తో ముగుస్తాయి.
Read hindi news: hindi.vaartha.com
Epaper : epaper.vaartha.com
Read Also: