తెలంగాణ(TG) ప్రభుత్వం ప్రారంభించిన ‘ఇందిరమ్మ చీరల(Indiramma Sarees)’ పంపిణీపై బీఆర్ఎస్ నేతలు చేస్తోన్న అపోహల ప్రచారాన్ని పంచాయతీరాజ్ మరియు గ్రామీణాభివృద్ధి శాఖ మంత్రి డా. దనసరి అనసూయ సీతక్క తీవ్రంగా ఖండించారు. ముఖ్యంగా కేటీఆర్, హరీష్ రావుల వ్యాఖ్యలు ఫ్యూడల్ మైండ్సెట్కు నిదర్శనమని ఆమె వ్యాఖ్యానించారు.
సీతక్క తెలిపారు, ఇందిరమ్మ జయంతి సందర్భంగా మహిళలు మరియు ఆడబిడ్డలు స్వయంగా ఎంచుకున్న డిజైన్లు, రంగులతో చీరలను ప్రభుత్వం అందజేస్తోందని. మహిళలు సంతోషంగా ఉంటే అది బీఆర్ఎస్(BRS) నాయకులకు, ప్రత్యేకించి కల్వకుంట్ల కుటుంబానికి నచ్చడం లేదని ఆమె విమర్శించారు. మహిళల ఎదుగుదల, వారి సంతోషం కూడా తట్టుకోలేని భావజాలమే కేటీఆర్, హరీష్ రావు ప్రవర్తనలో కనిపిస్తోందని సీతక్క తేల్చిచెప్పారు.
Read Also: TG: తెలంగాణలో కొత్త నేషనల్ హైవేలు..
బీఆర్ఎస్ కార్యకర్తలు నేతన్నలను
బీఆర్ఎస్ ప్రభుత్వంలా సూరత్ లేదా దుబాయ్ నుంచి కిలోల కొద్దీ చీరలు తెచ్చే పని తమ ప్రభుత్వం చేయలేదని ఆమె స్పష్టం చేశారు. ఈ చీరలు సిరిసిల్ల నేతన్నలు తమ చేతులతో నేసినవేనని గుర్తుచేశారు. చీరల నాణ్యతపై అసత్య ప్రచారం(campaign) చేస్తున్న బీఆర్ఎస్ కార్యకర్తలు నేతన్నలను అవమానిస్తున్నారని ఆమె ఆగ్రహం వ్యక్తం చేశారు. అవసరమైతే కేటీఆర్, హరీష్ రావు, కవిత సిరిసిల్ల వెళ్లి నేతన్నలను ప్రశ్నించాలని సవాలు విసిరారు. 65 లక్షల చీరలకు ఏడాది క్రితమే ఆర్డర్ ఇచ్చామని, అదనంగా మరో 35 లక్షల చీరలకు ఆర్డర్లు ఇచ్చామని తెలిపారు.
కోటి మహిళలు కోటీశ్వరులు
‘కోటి మహిళలు కోటీశ్వరులు’ లక్ష్యంతో కాంగ్రెస్ ప్రభుత్వం చేస్తున్న సంక్షేమ కార్యక్రమాలు బీఆర్ఎస్కు అంగీకారయోగ్యం కావడం లేదని సీతక్క అన్నారు. ఫ్రీ బస్సుల(FREE BUSES) నుంచి చీరల పంపిణీ వరకు ప్రతి విషయాన్నీ బీఆర్ఎస్ అపోహలతో కలుషితం చేయాలని చూస్తోందని ఆమె విమర్శించారు. వాస్తవ నాణ్యత ఏదో మహిళలే చెప్పగలరని కూడా సీతక్క పేర్కొన్నారు.
మహిళా సంఘాల్లో 60 ఏళ్లు దాటిన వారిని తొలగించే పాత నిబంధనను రద్దు చేశామని మంత్రి తెలిపారు. కోటి మహిళలను సంఘాల్లో చేర్చే కార్యక్రమంతో పాటు చీరలు, సారెలు అందిస్తూ ఆహ్వానిస్తున్నామని చెప్పారు. మహిళా సంఘాల రుణాలపై రూ.1300 కోట్ల వడ్డీ ఇప్పటికే ప్రభుత్వం చెల్లించిందని, భవిష్యత్తులో కూడా మద్దతు కొనసాగుతుందని వెల్లడించారు. మహిళల కోసం శిల్పారామంలో ప్రత్యేకంగా మహిళా బజార్ను కేటాయించిన విషయాన్ని కూడా ఆమె గుర్తుచేశారు.
Read hindi news : hindi.vaartha.com
Epaper : epapervaartha.com
Read Also:
