తెలంగాణ ప్రభుత్వ ఉద్యోగులకు సంబంధించి రాష్ట్ర ప్రభుత్వం కీలక మార్పులు తీసుకొచ్చినట్లు సమాచారం. సివిల్ సర్వీసెస్ రూల్స్లో సవరణలు చేస్తూ కఠిన నిబంధనలు అమల్లోకి తీసుకురానున్నట్లు తెలుస్తోంది. ముఖ్యంగా అనధికారిక గైర్హాజరుపై ప్రభుత్వం గట్టి చర్యలకు సిద్ధమవుతోంది. ఉద్యోగ క్రమశిక్షణను మరింత బలోపేతం చేయడమే లక్ష్యంగా ఈ మార్పులు చేసినట్లు అధికార వర్గాలు చెబుతున్నాయి. ఈ నిర్ణయాలు ఉద్యోగుల్లో చర్చకు దారితీస్తున్నాయి.
Read also: PV Sindhu: షట్లర్ పీవీ సింధుపై ప్రముఖులు ప్రశంసలు
Key changes in government employee regulations
సివిల్ సర్వీసెస్ రూల్స్లో కీలక సవరణలు
సవరించిన నిబంధనల ప్రకారం ఏడాదికి పైగా అనుమతి లేకుండా గైర్హాజరైన ఉద్యోగులు ఉద్యోగాన్ని కోల్పోయే ప్రమాదం ఉందని తెలుస్తోంది. ఐదేళ్లకు మించి నిరంతరంగా విధులకు హాజరు కాకపోతే సేవల నుంచి పూర్తిగా తొలగించే అవకాశం ఉంటుంది. అలాగే ప్రభుత్వ అనుమతి లేకుండా విదేశాలకు వెళ్లిన వారిపైనా చర్యలు తీసుకునేలా రూల్స్లో మార్పులు చేసినట్లు సమాచారం. అయితే, తుది నిర్ణయం తీసుకునే ముందు సంబంధిత ఉద్యోగులకు షోకాజ్ నోటీసులు ఇవ్వడం తప్పనిసరి అని పేర్కొన్నట్లు తెలుస్తోంది.
రూ.1.02 కోట్ల ఉచిత ప్రమాద బీమా పథకం
ఇదిలా ఉండగా, సంక్రాంతి పండుగ సందర్భంగా తెలంగాణ ప్రభుత్వం ఉద్యోగులకు శుభవార్త అందించింది. పెండింగ్లో ఉన్న కరువు భత్యం ఫైలుకు ముఖ్యమంత్రి రేవంత్ రెడ్డి ఆమోదం తెలిపారు. డీఏను 30.03 శాతం నుంచి 33.67 శాతానికి పెంచుతూ ప్రభుత్వం జీవో జారీ చేసింది. దీనివల్ల ప్రభుత్వ ఖజానాపై నెలకు అదనంగా రూ. 227 కోట్ల భారం పడుతుందని సీఎం వెల్లడించారు. అయినప్పటికీ ఉద్యోగుల సంక్షేమమే తమ ప్రభుత్వ లక్ష్యమని ఆయన స్పష్టం చేశారు.
మరోవైపు, రాష్ట్ర ప్రభుత్వ ఉద్యోగుల కుటుంబాలకు భరోసా కల్పించే దిశగా మరో కీలక నిర్ణయం తీసుకున్నారు. సుమారు 5.14 లక్షల మంది శాశ్వత ఉద్యోగులకు రూ. 1.02 కోట్ల విలువైన ఉచిత ప్రమాద బీమా పథకాన్ని అమలు చేయనున్నట్లు ఉప ముఖ్యమంత్రి భట్టి విక్రమార్క తెలిపారు. ఈ పథకం ద్వారా ఉద్యోగి అకాల మరణం సంభవిస్తే కుటుంబానికి ఆర్థిక భద్రత లభించనుంది. కేవలం ప్రకటనలకే పరిమితం కాకుండా అమలుపై ప్రభుత్వం దృష్టి సారించిందని ఆయన పేర్కొన్నారు.
Read hindi news: hindi.vaartha.com
Epaper: epaper.vaartha.com
Read Also: