తెలంగాణ ప్రభుత్వం పేదల కోసం అమలు చేస్తున్న ఇందిరమ్మ ఇళ్లు పథకంపై కీలక నిర్ణయం తీసుకుంది. వచ్చే రెండేళ్లలో ఎల్1 (L1) కేటగిరీలో ఉన్న లబ్ధిదారులకే ఇళ్లు మంజూరు చేయనుంది. సొంత స్థలం ఉండి ఇల్లు లేని పేదలకు ముందుగా ఇళ్లు అందించాలనే ఉద్దేశంతో ఈ నిర్ణయం తీసుకున్నారు. ప్రజాపాలన కార్యక్రమం ద్వారా వచ్చిన దరఖాస్తులను పరిశీలించి, అర్హులైన వారికి మాత్రమే ఇళ్లు అందించడానికి ప్రభుత్వం వేగంగా చర్యలు తీసుకుంటోంది.
Read also: Maa Illu : ‘మా ఇల్లు’ అనాథాశ్రమాన్ని సందర్శించిన మంత్రి సీతక్క
TG Government scheme
రాష్ట్రవ్యాప్తంగా 77,68,134 దరఖాస్తులు అందాయి. వీటిని క్షేత్రస్థాయి సర్వే ఆధారంగా మూడు కేటగిరీలుగా విభజించారు. సొంత స్థలం ఉండి ఇల్లు లేని వారు ఎల్1 జాబితాలో ఉంటారు. ఈ జాబితీలో 23,20,490 మంది లబ్ధిదారులు ఉన్నారు. వీరికి 2026–27, 2027–28 ఆర్థిక సంవత్సరాల్లో ప్రాధాన్యత క్రమంలో ఇళ్లను మంజూరు చేయనున్నారు. ప్రతి ఏడాది సుమారు 4.50 లక్షల ఇళ్లు కేటాయించనున్నారు. స్థలం లేక ఇల్లు లేని వారు ఎల్2 కేటగిరీలో ఉంటారు, వీరిపై ప్రభుత్వం ఇంకా తుది నిర్ణయం తీసుకోవాల్సి ఉంది. ఇప్పటికే సొంత ఇల్లు ఉన్నవారు, ప్రభుత్వ ఉద్యోగులు, ఆదాయపు పన్ను చెల్లింపుదారులు ఎల్3 జాబితాలో ఉంటారు.
అధికారిక వెబ్సైట్ https://indirammaindlu.telangana.gov.in/ ను సందర్శించాలి. రిజిస్టర్డ్ మొబైల్ నంబర్ నమోదు చేయడం ద్వారా ఎల్1, ఎల్2 లేదా ఎల్3 ఏ జాబితాలో ఉన్నారో తెలుసుకోవచ్చు. ఇల్లు నిర్మించడానికి ప్రభుత్వం రూ.5 లక్షల ఆర్థిక సాయం అందిస్తుంది. ప్రస్తుతం రాష్ట్రవ్యాప్తంగా 3,69,014 ఇళ్లు మంజూరు అయ్యాయి, 2.45 లక్షల ఇళ్ల నిర్మాణం వివిధ దశల్లో కొనసాగుతోంది. గ్రామసభల ద్వారా అర్హులైన పేదలకు రాజకీయ ప్రభావం లేకుండా ఇళ్లు అందించడం ప్రభుత్వ లక్ష్యం
- ఎల్1: సొంత స్థలం ఉంది, ఇల్లు లేదు, 23,20,490 మంది, వచ్చే రెండేళ్లలో ప్రాధాన్యత
- ఎల్2: స్థలం లేదు, ఇల్లు లేదు, 21,49,476 మంది, ఇంకా నిర్ణయం తీసుకోవాల్సి ఉంది
- ఎల్3: ఇప్పటికే ఇల్లు ఉన్నవారు, ప్రభుత్వ ఉద్యోగులు, ఆదాయపు పన్ను చెల్లింపుదారులు, 32,98,168 మంది, అనర్హత సాధ్యము
- ఆర్థిక సాయం: ఒక్కో ఇంటికి రూ.5 లక్షలు, విడతల వారీగా బ్యాంక్ ఖాతాల్లో జమ
- వెబ్సైట్: https://indirammaindlu.telangana.gov.in/ ద్వారా కేటగిరీ తెలుసుకోవచ్చు
Read hindi news: hindi.vaartha.com
Epaper: epaper.vaartha.com
Read Also: