తెలంగాణ మహిళలకు ప్రభుత్వం మరొక మంచి అవకాశం అందిస్తోంది. మహిళా సమాఖ్యల ఆర్థిక బలపాటుకు భాగంగా, రాష్ట్ర ప్రభుత్వం ఆర్టీసీకి (RTC) అద్దెకు ఇవ్వడానికి కొత్త బస్సులను సమాఖ్యల పేరుతో కొనుగోలు చేయేందుకు ముందుకు వచ్చింది. ప్రస్తుతం రాష్ట్రవ్యాప్తంగా 152 బస్సులు మహిళా సమాఖ్యల ద్వారా ఆర్టీసీకి అద్దెకు వెళ్లి విజయవంతంగా నడుస్తున్నాయి. ఇప్పుడు ఈ సంఖ్యను మరింత పెంచుతూ మరో 448 బస్సులు కొనాలని సెర్ప్ సిద్ధమైంది. ఇందుకు సంబంధించి సెర్ప్ సీఈఓ దివ్యా దేవరాజన్ ఆర్టీసీ ఎండీ నాగిరెడ్డికి లేఖ పంపారు.
Read also: TET: టెట్ నుంచి ఇన్సర్వీస్ టీచర్లు మినహాయింపునకు పోరాటం
Good news for Telangana women
448 అద్దె బస్సులు కూడా
మహిళల జీవన ప్రమాణాలను పెంచే దిశగా ప్రభుత్వం అమలు చేస్తున్న ఈ పథకం గ్రామీణ మహిళలకు మంచి ఆదాయ వనరుగా మారుతోంది. ఎన్నికల సమయంలో ఇచ్చిన ఉచిత బస్సు ప్రయాణ హామీ అమల్లో ఉంది. దానితో పాటు మహిళలను స్వావలంబులుగా తీర్చిదిద్దే లక్ష్యంతో బస్సుల కొనుగోలుకు వడ్డీ లేని రుణాలు కూడా ఇచ్చేలా ప్రభుత్వం చర్యలు తీసుకుంది. కొత్తగా ప్రతిపాదించిన 448 అద్దె బస్సులు కూడా అనుమతులు వచ్చాక త్వరలోనే ఆర్టీసీకి అప్పగించడానికి సిద్ధంగా ఉన్నట్లు సెర్ప్ స్పష్టం చేసింది.
ప్రస్తుతం మహిళా సమాఖ్యలు రాష్ట్రంలో 152 బస్సులను నడుపుతున్నాయి. కొత్తగా ప్రణాళికలో ఉన్న 448 బస్సులు చేరితే ఈ సంఖ్య 600కు చేరుతుంది. దీంతో సమాఖ్యల ఆదాయం మరింత పెరుగుతుంది. ఉదాహరణకు, మహబూబాబాద్ జిల్లాలోని కొన్ని మండలాలు కొనుగోలు చేసిన బస్సులు ప్రతి నెలా ఒక్కో బస్సుకు సుమారు 69,400 రూపాయల అద్దె ఆదాయం తెస్తున్నాయి. ఒక బస్సు కొనుగోలుకు దాదాపు 36 లక్షలు ఖర్చైనా, ఆర్టీసీ ఇచ్చే అద్దె రూపంలో ఈ పెట్టుబడి మహిళా సమాఖ్యలకు స్థిరమైన ఆదాయ మార్గంగా మారుతోంది.
Read hindi news: hindi.vaartha.com
Epaper: epaper.vaartha.com/
Read Also:
