తెలంగాణలో(Telangana) స్థానిక సంస్థల ఎన్నికలకు కౌంట్డౌన్ ప్రారంభమైంది. రాష్ట్రవ్యాప్తంగా ఉన్న 116 మున్సిపాలిటీలు, 7 మున్సిపల్ కార్పొరేషన్లకు ఎన్నికలు నిర్వహించేందుకు రాష్ట్ర ఎన్నికల సంఘం అన్ని ఏర్పాట్లను దాదాపుగా పూర్తిచేసింది. ఓటర్ల జాబితా సిద్ధం చేయడం, పోలింగ్ కేంద్రాల గుర్తింపు, సిబ్బంది కేటాయింపు వంటి కీలక పనులు ఇప్పటికే ముగింపు దశకు చేరాయి.
Read Also: Telangana: కాసేపట్లో KTR ను విచారించనున్న SIT
ఈ నెల 27న ఉన్నతాధికారులతో సమీక్ష సమావేశం నిర్వహించనుండగా, ఆ సమీక్ష అనంతరం జనవరి 28న ఎన్నికల షెడ్యూల్ను అధికారికంగా విడుదల చేసే అవకాశం ఉంది. ఎన్నికల నోటిఫికేషన్ వెలువడిన వెంటనే మోడల్ కోడ్ ఆఫ్ కండక్ట్ అమల్లోకి రానుంది.
మార్చిలోపు ఎన్నికల ప్రక్రియ పూర్తి లక్ష్యం
మున్సిపల్ ఎన్నికలను మార్చి నెలలోపు పూర్తిచేయాలనే లక్ష్యంతో ప్రభుత్వం ముందుకు సాగుతోంది. రాజకీయ పార్టీలకు ఇది కీలకమైన ఎన్నికలుగా భావిస్తుండటంతో ప్రచారం వేగం పుంజుకునే సూచనలు కనిపిస్తున్నాయి. స్థానిక సమస్యలు, అభివృద్ధి కార్యక్రమాలు, సంక్షేమ పథకాలే ప్రధాన అజెండాగా మారనున్నాయి.
పోలింగ్ శాతం పెంచడంపై SEC ప్రత్యేక దృష్టి
ఈసారి పోలింగ్ శాతం పెంచడంపై రాష్ట్ర(Telangana) ఎన్నికల సంఘం ప్రత్యేకంగా దృష్టి సారించింది. ఓటర్ల అవగాహన కార్యక్రమాలు, డిజిటల్ ప్రచారం, సౌకర్యవంతమైన పోలింగ్ ఏర్పాట్ల ద్వారా ప్రజలను ఎక్కువగా ఓటింగ్లో పాల్గొనేలా ప్రోత్సహించనుంది. ప్రశాంత వాతావరణంలో ఎన్నికలు నిర్వహించేందుకు భద్రతా చర్యలను కూడా కట్టుదిట్టం చేయనున్నారు.
Read hindi news: hindi.vaartha.com
Epaper: epaper.vaartha.com
Read Also: