తెలంగాణ ప్రభుత్వం చేపట్టిన కులగణనను కేంద్ర ప్రభుత్వం కూడా అనుసరించాలని కాంగ్రెస్ వర్కింగ్ కమిటీ (సిడబ్ల్యూసి) సూచించింది. శుక్రవారం ఢిల్లీలో అత్యవసరంగా సమావేశమైన సిడబ్ల్యూసి, తెలంగాణ ముఖ్యమంత్రి రేవంత్ రెడ్డి ఇచ్చిన ప్రజెంటేషన్ను ప్రశంసించింది. కులగణన ప్రక్రియను తెలంగాణ ప్రభుత్వం పూర్తి సమర్థవంతంగా, పౌర సమాజం, సామాజిక కార్యకర్తలు, వివిధ వర్గాల నేతల సహకారంతో పారదర్శకంగా నిర్వహించిందని సిడబ్ల్యూసి తెలిపింది. ఇది కేంద్రానికి ఒక దిక్సూచిగా నిలుస్తుందని వ్యాఖ్యానించింది.ఇదే సమావేశంలో, పెహల్గాం ఉగ్రదాడిపై సిడబ్ల్యూసి తీవ్ర స్థాయిలో స్పందించింది. మృతుల కుటుంబాలకు కేవలం పరిహారం మాత్రమే కాకుండా, దీర్ఘకాలిక పునరావాసం, మానసిక మద్దతు కూడా ఇవ్వాలని డిమాండ్ చేసింది. ఉగ్రదాడిలో మరణించిన వారికి అమరవీరుల హోదా ఇవ్వాలని రాహుల్ గాంధీ కోరారు. ఉగ్రవాదంపై పోరులో కేంద్ర ప్రభుత్వానికి సంపూర్ణ మద్దతు ఉందని ఎఐసిసి అధ్యక్షుడు మల్లికార్జున ఖర్గే తెలిపారు.
Congress : తెలంగాణ మోడల్ దేశానికి మార్గదర్శకం
భద్రతా నిఘాలో గణనీయమైన లోపాలు ఉన్నాయని, భవిష్యత్తులో ఇటువంటి దాడులు జరగకుండా ఉండేందుకు ప్రభుత్వం తగిన వ్యూహాన్ని రూపొందించాలని సూచించారు. పాకిస్తాన్ ఉగ్రవాదాన్ని ప్రోత్సహిస్తున్న దేశంగా నిందిస్తూ, అంతర్జాతీయ సమన్వయంతో చర్యలు తీసుకోవాలని కాంగ్రెస్ వర్కింగ్ కమిటీ కేంద్రాన్ని కోరింది. బాధిత కుటుంబాలకు సంస్థాగత మద్దతు నిరంతరం కొనసాగుతుందని కాంగ్రెస్ పార్టీ స్పష్టం చేసింది.సమీక్షలో భాగంగా, కేంద్ర ప్రభుత్వం కులగణన చేపట్టాలని నిర్ణయం తీసుకోవడాన్ని కాంగ్రెస్ స్వాగతించింది. అయితే, దీనిపై సమయాన్ని పరిగణనలోకి తీసుకుంటే, ఈ నిర్ణయం వెనుక రాజకీయ ఉద్దేశాలు ఉన్నాయేమోనన్న అనుమానాలు కలుగుతున్నాయని ఖర్గే వ్యాఖ్యానించారు. ప్రజా సమస్యలపై కాంగ్రెస్ పార్టీ నిజాయతీగా పోరాటం చేస్తే, మొండి ప్రభుత్వాలు కూడా తలవంచక తప్పదని రాహుల్ గాంధీ చూపించారని తెలిపారు.తెలంగాణ ప్రభుత్వం చేపట్టిన కులగణన ఒక సామాజిక విప్లవానికి నాంది పలికింది. ఇది కేవలం గణాంకాల సేకరణ కాదని, వాస్తవ పరిస్థితులను వెలికితీయడం ద్వారా సామాజిక న్యాయానికి బలమైన ఆధారం కల్పించడమేనని కాంగ్రెస్ వర్కింగ్ కమిటీ అభిప్రాయపడింది. భారతదేశంలో ఎన్నో దశాబ్దాలుగా న్యాయ సమాజ నిర్మాణంపై చర్చలు సాగుతున్నా, వాస్తవ సమీకరణలపై ప్రభుత్వం గణనీయమైన డేటా లేకుండా నిర్ణయాలు తీసుకుంటోంది.
Read More : Indian Cook : కువైట్లో భారతీయ వంటమనిషికి మరణశిక్ష అమలు
