Telangana High Court: హైకోర్టులో నలుగురు కొత్త జడ్జిల

తెలంగాణ న్యాయ వ్యవస్థ (Telangana High Court) లో మరో కీలక మలుపు ఏర్పడింది. రాష్ట్ర హైకోర్టులో నలుగురు కొత్త న్యాయమూర్తులు గురువారం విధుల్లోకి చేరారు. ఈ సందర్భంగా హైకోర్టులో అధికారికంగా ప్రమాణస్వీకార కార్యక్రమం నిర్వహించారు.

నూతన న్యాయమూర్తులు ప్రమాణం చేసినవారు

హైకోర్టు (High Court) లో న్యాయమూర్తులు (Telangana High Court) గా నియమితులైన వారు, జస్టిస్ గాడి ప్రవీణ్ కుమార్, జస్టిస్ రామకృష్ణా రెడ్డి, జస్టిస్ సుద్దాల చలపతిరావు, జస్టిస్ గౌస్ మీరా మొహియుద్దీన్. ఈ నలుగురికీ హైకోర్టు ప్రధాన న్యాయమూర్తి జస్టిస్ అపరేశ్ కుమార్ సింగ్ (Aparesh Kumar Singh) ప్రమాణం చేయించారు. కార్యక్రమానికి అనేకమంది న్యాయమూర్తులు, సీనియర్ లాయర్లు, హైకోర్టు అధికారులంతా హాజరై వీరికి శుభాకాంక్షలు తెలిపారు.

కొలీజియం సిఫారసుతో కేంద్ర ఆమోదం

ఈ నలుగురు నూతన న్యాయమూర్తులు గతంలో హైకోర్టులో లాయర్లుగా పనిచేసిన అనుభవజ్ఞులు. వారిని న్యాయస్థానానికి జడ్జిలుగా నియమించాలని సుప్రీంకోర్టు కొలీజియం కేంద్ర ప్రభుత్వానికి సిఫారసు చేసింది. ఈ సిఫారసుకు రాష్ట్రపతి ద్రౌపది ముర్ము ఈ నెల 28న ఆమోదం తెలిపిన అనంతరం నియామక ప్రక్రియ పూర్తయింది. ఈ నియామకాలతో తెలంగాణ హైకోర్టులో న్యాయమూర్తుల మొత్తం సంఖ్య 30కి చేరింది.