Telangana Govt: తెలంగాణ ప్రభుత్వం వృద్ధాప్యంలో ఉన్న తల్లిదండ్రుల సంక్షేమం కోసం ఒక విప్లవాత్మక చట్టాన్ని తీసుకువచ్చేందుకు సిద్ధమవుతోంది. ప్రభుత్వ ఉద్యోగాల్లో ఉండి, తమ తల్లిదండ్రులను నిర్లక్ష్యం చేసే వారిపై కఠిన చర్యలు తీసుకోవాలని నిర్ణయించింది. అటువంటి ఉద్యోగుల నెలవారీ జీతం నుంచి 10 నుంచి 15 శాతం వరకు కోత విధించి, ఆ మొత్తాన్ని నేరుగా వారి తల్లిదండ్రులకు అందించేలా కొత్త నిబంధనలను రూపొందిస్తోంది. బాధ్యతాయుతమైన సంతానంగా ఉండాల్సిన వారు తమ కర్తవ్యాన్ని విస్మరిస్తే, ఆర్థికపరమైన ఆంక్షల ద్వారా వారికి బుద్ధి చెప్పడమే ఈ చట్టం ప్రధాన ఉద్దేశ్యం.
Read Also:Ibrahimpatnam: మాపైనే వార్తా రాస్తావా..రిపోర్టర్ కి ఎంపీఓ ఉషాకిరణ్ బెదిరింపులు
ఈ చట్టం అమలు తీరుపై ప్రభుత్వం స్పష్టమైన విధివిధానాలను ఖరారు చేస్తోంది. బాధితులైన తల్లిదండ్రులు తమ పిల్లల నిర్లక్ష్యంపై ఫిర్యాదు చేస్తే, అధికారులు పూర్తిస్థాయిలో విచారణ జరుపుతారు. ఆరోపణలు నిజమని తేలితే, సదరు ఉద్యోగి జీతం నుండి నిర్ణీత మొత్తాన్ని మినహాయించి, తల్లిదండ్రుల పేరిట ఉన్న జాయింట్ ఖాతాలో ప్రభుత్వం జమ చేస్తుంది. సీఎస్ రామకృష్ణారావు మరియు మాజీ సీఎస్ శాంతికుమారిలతో కూడిన ఉన్నత స్థాయి కమిటీ ఈ ముసాయిదా చట్టాన్ని సిద్ధం చేస్తోంది. త్వరలో జరగనున్న అసెంబ్లీ సమావేశాల్లో ఈ బిల్లును ప్రవేశపెట్టి ఆమోదం తెలపనున్నారు.
ముఖ్యంగా, 2023 సంవత్సరం నుండి ప్రభుత్వ సర్వీసులో చేరిన కొత్త ఉద్యోగులందరికీ ఈ చట్టం వర్తించనుంది. వృద్ధాప్యంలో ఉన్న తల్లిదండ్రులకు ఆర్థిక భద్రత కల్పించడంతో పాటు, సామాజిక బాధ్యతను పెంచేందుకు ఈ నిర్ణయం ఎంతగానో దోహదపడుతుందని నిపుణులు భావిస్తున్నారు. ప్రభుత్వ ఉద్యోగం సాధించిన తర్వాత కన్నవారిని విస్మరించే ధోరణికి ఈ చట్టం గట్టి అడ్డుకట్ట వేయనుంది.
Read hindi news: hindi.vaartha.com
Epaper: epaper.vaartha.com
Read Also:
