తెలంగాణలో డ్రైవింగ్ లైసెన్స్ పునరుద్ధరణ ప్రక్రియను రవాణా శాఖ మరింత సులభతరం చేసింది. ఇకపై లైసెన్స్ రెన్యువల్ కోసం ఆర్టీఏ కార్యాలయం చుట్టూ తిరగాల్సిన అవసరం లేదు. మొబైల్ ఫోన్ లేదా కంప్యూటర్లో కొన్ని క్లిక్స్తోనే అప్లై చేసే వీలును ప్రభుత్వం కల్పించింది. ఈ డిజిటల్ విధానం ద్వారా దళారుల జోలికి వెళ్లాల్సిన బాధ తప్పుతుంది. పైగా ప్రజల సమయాన్ని, శ్రమను ఆదా చేస్తుంది.
డ్రైవింగ్ లైసెన్స్ రెన్యువల్ ప్రక్రియ
ఇందుకోసం తొలుత రవాణాశాఖ వెబ్సెట్లోకి వెళ్లి, అందులోని ‘లైసెన్స్’ ఆప్షన్పై క్లిక్ చేయాలి. తర్వాత ‘డ్రైవింగ్ లైసెన్స్‘ను ఎంచుకుంటే మరో పేజీ తెరుచుకుంటుంది. అందులో కింద ఉన్న ‘రెన్యువల్ ఆఫ్ డ్రైవింగ్ లైసెన్స్’పై క్లిక్ చేయాలి. తర్వాత ‘క్లిక్ హియర్ టు బుక్ ది స్లాట్’ అన్న ఆప్షన్ను ఎంచుకుంటే సరి.
ఆన్లైన్లో ఎలా దరఖాస్తు చేయాలి?
ఆ పేజీలో కింద వచ్చిన బాక్స్లో డ్రైవింగ్ లైసెన్స్ నంబర్, ఎక్కడ ఇచ్చారు? పుట్టిన తేదీ, మొబైల్ నంబర్ను నింపిన తర్వాత రిక్వెస్ట్ ఓటీపీపై క్లిక్ చేస్తే వచ్చే నంబర్తోపాటు క్యాప్చాను ఎంటర్ చేసి ‘గెట్ డీటెయిల్స్’ నొక్కగానే మనం ఇచ్చిన వివరాలు అక్కడ కనిపిస్తాయి. వాటిని ఒకసారి చూసుకున్న తర్వాత ‘కన్ఫాం’పై క్లిక్ చేయాలి. తర్వాత మరో విండోలో కనిపించే తేదీల్లో మనకు వీలున్న తేదీని ఎంచుకోవాలి. ఆ తర్వాత పేమెంట్ పూర్తి చేస్తే స్లాట్ బుక్ అవుతుంది. దానిని ప్రింట్ తీసుకుని ఒరిజినల్ లైసెన్స్, గుర్తింపు కార్డుతో ఆర్టీఏ కార్యాలయానికి భౌతికంగా హాజరు కావాల్సి ఉంటుంది. అక్కడ మన పత్రాలు పరిశీలించి డ్రైవింగ్ లైసెన్స్ను పునరుద్ధరిస్తారు. ఇది పూర్తిగా ఆన్లైన్ ప్రక్రియ అయినప్పటికీ, స్లాట్ బుక్ చేసుకున్న తేదీకి సంబంధించి భౌతికంగా RTA కార్యాలయానికి హాజరు కావాల్సి ఉంటుంది. అక్కడ అధికారులు మీ పత్రాలను పరిశీలిస్తారు, అవసరమైతే ఫోటో లేదా బయోమెట్రిక్ తీసుకుంటారు. అన్నీ సక్రమంగా ఉన్నట్లైతే కొత్త లైసెన్స్ ముద్రించబడుతుంది.
Read also: Road accident: రోడ్ ప్రమాదం లో ఇద్దరు స్నేహితులు మృతి