Telangana Anganwadi teachers: తెలంగాణలోని అంగన్వాడీ టీచర్లకు రాష్ట్ర ప్రభుత్వం తీపి కబురు అందించింది. అంగన్వాడీ కేంద్రాల నిర్వహణను మరింత డిజిటలైజ్ చేసే ఉద్దేశంతో వారికి కొత్త స్మార్ట్ఫోన్లను పంపిణీ చేయాలని ముఖ్యమంత్రి రేవంత్ రెడ్డి నిర్ణయించారు. గతంలో ఇచ్చిన ఫోన్లు పాతబడిపోవడం, సాంకేతిక సమస్యలు తలెత్తుతుండటంతో ఈసారి అత్యాధునిక ఫీచర్లు ఉన్న హ్యాండ్సెట్లను ప్రభుత్వం కొనుగోలు చేసింది.
Read Also :Telangana Rythu Bharosa Status: నేడు రైతు భరోసా నిధుల విడుదల
38 వేల కొత్త స్మార్ట్ఫోన్ల పంపిణీకి రేవంత్ రెడ్డి సిద్ధం!
ఈ విడతలో సుమారు 38,000 పైగా శామ్సంగ్ (Samsung) స్మార్ట్ఫోన్లను ప్రభుత్వం సేకరించినట్లు సమాచారం. వీటిని రాబోయే 10 రోజుల్లో ముఖ్యమంత్రి స్వయంగా అంగన్వాడీ కార్యకర్తలకు అందజేయనున్నారు. కొత్తగా ఇచ్చే ఈ ఫోన్లలో 4GB ర్యామ్ (RAM) మరియు 64GB ఇంటర్నల్ మెమొరీ సామర్థ్యం ఉండటం వల్ల అంగన్వాడీ కార్యకలాపాలు ఎటువంటి ఆటంకం లేకుండా సాగనున్నాయి.
Telangana Anganwadi teachers: పోషణ్ ట్రాకర్ యాప్లో 14 రకాల వివరాల నమోదు కోసం
అంగన్వాడీ టీచర్లు ప్రతిరోజూ తమ విధుల్లో భాగంగా ‘పోషణ్ ట్రాకర్’ (Poshan Tracker) యాప్ను వినియోగించాల్సి ఉంటుంది. ఇందులో గర్భిణీలు, బాలింతలు మరియు చిన్నారుల ఆరోగ్యానికి సంబంధించిన సుమారు 14 రకాల వివరాలను ఎప్పటికప్పుడు అప్డేట్ చేయాల్సి ఉంటుంది. పాత ఫోన్లలో మెమొరీ సమస్యల వల్ల డేటా ఎంట్రీ ఆలస్యమవుతుండటంతో, కొత్త ఫోన్ల రాకతో ఈ ప్రక్రియ వేగవంతం కానుంది. ఈ స్మార్ట్ఫోన్ల పంపిణీ వల్ల అంగన్వాడీ కేంద్రాల పర్యవేక్షణ సులభతరం కావడమే కాకుండా, క్షేత్రస్థాయి నుంచి సమాచారం నేరుగా ప్రభుత్వానికి త్వరగా చేరుతుంది. మహిళా శిశు సంక్షేమ శాఖ ఈ ఫోన్ల పంపిణీకి సంబంధించిన తుది ఏర్పాట్లలో నిమగ్నమై ఉంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
