యాసంగి పంటకాలానికి రైతులకు ఆర్థిక సహాయం అందించేందుకు తెలంగాణ(Telangana) ప్రభుత్వం భారీ రుణం సమీకరించేందుకు ముందడుగు వేసింది. రైతు భరోసా పథకం కింద నిధులు విడుదల చేయడానికి రిజర్వ్ బ్యాంక్ ఆఫ్ ఇండియా (RBI) వద్ద రూ.9,000 కోట్ల రుణం కోసం ప్రభుత్వం ఇండెంట్ సమర్పించింది.
TG Municipal Elections : మహిళలకు రూ.2,500 కాదు.. ఆల్రెడీ రూ.3వేలు ఇస్తున్నాం: మంత్రి
ప్రభుత్వ ఆర్థిక ప్రణాళిక ప్రకారం, ఈ రుణాన్ని వివిధ కాలపరిమితుల్లో తీసుకునేలా ఏర్పాట్లు చేశారు. 13 సంవత్సరాల కాలపరిమితితో రూ.2,000 కోట్లు, 16 సంవత్సరాల కాలపరిమితితో మరో రూ.2,000 కోట్లు, 21 సంవత్సరాల కాలపరిమితితో రూ.2,500 కోట్లు, 27 సంవత్సరాల కాలపరిమితితో మరో రూ.2,500 కోట్ల రుణాన్ని తీసుకోనున్నారు. ఈ రుణ మొత్తం ఈ నెల 10వ తేదీన ప్రభుత్వ ఖాతాలో జమ కానుంది. రైతులకు యాసంగి కాలంలో సాగు ఖర్చులకు ఆర్థిక భరోసా కల్పించడమే ఈ చర్య యొక్క ప్రధాన ఉద్దేశ్యం. ప్రభుత్వం ఈ నిధులను రైతు భరోసా పథకం ద్వారా నేరుగా రైతుల ఖాతాల్లో జమ చేయాలని భావిస్తోంది.
మున్సిపల్ ఎన్నికల అనంతరం రైతులకు ఎకరాకు రూ.6,000 చొప్పున రైతు భరోసా నిధులు విడుదల చేస్తామని ముఖ్యమంత్రి(Telangana) ఇప్పటికే ప్రకటించారు. ఈ ప్రకటనతో రైతుల్లో ఆశలు పెరిగాయి. అయితే నిధుల విడుదల తేదీలపై అధికారిక మార్గదర్శకాలు త్వరలో వెల్లడయ్యే అవకాశం ఉంది. వ్యవసాయ రంగానికి ప్రాధాన్యత ఇస్తున్న ప్రభుత్వం, రైతుల ఆదాయం పెంపు, సాగు వ్యయాల తగ్గింపు, వ్యవసాయ ఉత్పత్తి వృద్ధి లక్ష్యంగా పలు కార్యక్రమాలను అమలు చేస్తోంది. రైతు భరోసా నిధులు యాసంగి పంటకు కీలక ప్రోత్సాహకంగా మారనున్నాయి.
Read hindi news: hindi.vaartha.com
Epaper : epaper.vaartha.com
Read Also: