తెలంగాణ రాష్ట్రంలో పదో తరగతి ఫలితాల కోసం వేలాది కుటుంబాలు వేచి చూస్తున్నాయి.ఈ వేచి వుంటున్న వేళ, తాజా అప్డేట్ వారి ఉత్కంఠను మరింత పెంచింది.రేపు (బుధవారం) మధ్యాహ్నం 1 గంటకు సీఎం రేవంత్ రెడ్డి పదో తరగతి ఫలితాలను అధికారికంగా విడుదల చేయబోతున్నారు.ఈ ప్రకటనను ప్రభుత్వ పరీక్షల విభాగం అధికారికంగా విడుదల చేసింది.ఈ సంవత్సరం మార్చి 21 నుంచి ఏప్రిల్ 4 వరకు పదో తరగతి పరీక్షలు నిర్వహించబడ్డాయి.ఈ పరీక్షలకు రాష్ట్రవ్యాప్తంగా 5 లక్షల మందికి పైగా విద్యార్థులు హాజరయ్యారు. జవాబు పత్రాల మూల్యాంకనం ఇప్పటికే పూర్తయింది.ఇక ఫలితాల విడుదలకు అవసరమైన అన్ని ఏర్పాట్లు పూర్తయ్యాయి.ఈసారి ఫలితాల్లో ఒక పెద్ద మార్పు కనిపించబోతోంది.గతంలో విద్యార్థులకు గ్రేడ్లు, సీజీపీఏ మాత్రమే ఇవ్వబడేవి.కానీ ఈసారి నుంచి ప్రతి విద్యార్థికి వేరుగా రాత పరీక్షలు, ఇంటర్నల్స్ మార్కులు, టోటల్ స్కోర్ స్పష్టంగా చూపించనున్నారు.ఇకపై పాస్ లేదా ఫెయిల్ అనే వివరాలు కూడా నేరుగా మెమోలో ఉండబోతున్నాయి.విద్యార్థులు, తల్లిదండ్రులకు ఇది మరింత స్పష్టతను ఇస్తుంది.ఇంకొక ప్రత్యేకత ఏమిటంటే – ఈ సంవత్సరం నుంచి బోధనేతర విద్యా శ్రేణులకూ (co-curricular activities) మార్కుల మెమోలో స్థానం లభించబోతోంది. ఇందులో నాలుగు విభాగాలపై గ్రేడ్లు ఇవ్వనున్నారు:
వాల్యూ అండ్ లైఫ్ ఎడ్యుకేషన్
ఆర్ట్ అండ్ కల్చరల్ ఎడ్యుకేషన్
వర్క్ అండ్ కంప్యూటర్ ఎడ్యుకేషన్
ఫిజికల్ అండ్ హెల్త్ ఎడ్యుకేషన్
ఇవి విద్యార్థుల ఆత్మవిశ్వాసాన్ని పెంచే, వారి టాలెంట్ను గుర్తించడానికి ఉపయోగపడతాయని అధికారులు చెబుతున్నారు.అకడమిక్ ప్రదర్శనతో పాటు, ఇతర రంగాల్లో ప్రతిభను కూడా గుర్తించేందుకు ఇది మంచి దిశగా మారుతుందన్న నమ్మకం ఉంది.విద్యార్థులు తమ హాల్ టికెట్ నంబర్తో, అధికారిక వెబ్సైట్ లేదా ఫలితాల పోర్టల్స్ ద్వారా రేపటి నుంచి ఫలితాలు చూడవచ్చు.కొన్ని స్కూళ్లు వారి లాగిన్ ద్వారా కూడా ఫలితాలను పొందగలవు.పదో తరగతి ఫలితాలు ఎంతో కీలకం.కానీ ఇది ఒకే అవకాశమైతే కాదు.ఫలితాలు ఎలా వచ్చినా, పిల్లల మనోస్థితిని అర్థం చేసుకుని, ఆత్మవిశ్వాసాన్ని పెంపొందించేలా ప్రోత్సహించాలి.ఇది విద్యార్థుల భవిష్యత్తు పునాది వేసే దశ.ఈసారి తెలంగాణ పదో తరగతి ఫలితాల విధానంలో ఉన్న మార్పులు విద్యార్ధులకి మెరుగైన ఫీడ్బ్యాక్ ఇచ్చేలా ఉన్నాయి. ఫలితాల ప్రకటనతో పాటు పాస్ ఫెయిల్ స్పష్టత, ఇంటర్నల్స్ వివరాలు, బోధనేతర ప్రతిభకు గుర్తింపు అన్నీ కలిపి విద్యా విధానంలో కొత్త ఒరవడి చూపుతున్నాయి.రేపటి ఫలితాల వేళ, ఎంతో మంది విద్యార్థులకు వారి కలలకి తొలి మెట్టు పడే అవకాశం. వారికి మనం ముందుగానే శుభాకాంక్షలు తెలపొచ్చు!
Read Also : Vijayawada : ముఖ్యమంత్రి రేవంత్ రెడ్డి రేపు ఏపీ పర్యటన
