త్వరలో తుది ఉత్తర్వులు జారీ
హైదరాబాద్: తెలంగాణ(Telangana)లోని రైతులు పండించిన పంట ఉత్పత్తులను విక్రయించుకునేందుకు మరింత వెసులుబాటు కల్పించేలా రాష్ట్ర ప్రభుత్వం చర్యలు చేపట్టింది. ఇందులో భాగంగా మార్కెటింగ్(Marketing) వ్యవస్థను మరింత బలోపేతం చేసే దిశగా కీలక అడుగు వేసింది. రాష్ట్రంలో కొత్తగా 10 వ్యవసాయ మార్కెట్ యార్డులు(Market Yards) ఏర్పాటు చేసేందుకు ప్రభుత్వం కీలక నిర్ణయించింది. ఈ మేరకు దీనికి సంబంధించి త్వరలో తుది ఉత్తర్వులను జారీ చేయనుంది. ఈ కొత్త వ్యవసాయ మార్కెట్ యార్డులను రాష్ట్రంలోని నాగర్కర్నూల్ జిల్లాలోని కోడేరు, పెద్దకొత్తపల్లి. వనపర్తి జిల్లాలోని పానగల్, వీవనగండ్ల, ఖిలాఘన్పూర్, గోపాల్పేట.
పెద్దపల్లి జిల్లాలోని ఎలిగేడు, హనుమకొండ జిల్లాలోని ఎల్కతుర్తి. నల్గొండ జిల్లాలోని దామరచర్ల. ఖమ్మం జిల్లా మధిర నియోజకవర్గంలోని మత్కేపల్లి ఉన్నాయి. రాష్ట్రంలో ప్రస్తుతం 197 వ్యవసాయ మార్కెట్ యార్డులు ఉన్నాయి. వీటికి అదనంగా మరో 10 మార్కెట్ యార్డులు ఏర్పాటు చేస్తూ సర్కార్ గ్రీన్సిగ్నల్ ఇచ్చింది. ఈ కొత్త వ్యవసాయ మార్కెట్లు యార్డులు అందుబాటులోకి వస్తే రాష్ట్ర వ్యాప్తంగా వాటి సంఖ్య 207కి చేరనుంది. ఈ కొత్త వ్యవసాయ మార్కెట్ యార్డులను ఏర్పాటు చేసేందుకు ప్రభుత్వం ఇప్పటికే ఆయా ప్రాంతాల్లో స్థలాలను సైతం గుర్తించినట్లు వ్యవసాయ శాఖ అధికారవర్గాలు వెల్లడించాయి. వీటి ఏర్పాటుకు గాను ప్రాథమిక, తుది నోటిఫికేషన్లు జారీ అయ్యాయి. ఎలాంటి అభ్యంతరాలు వ్యక్తం కానందున ప్రభుత్వం ఆయా ప్రాంతాల్లో మార్కెట్ యార్డులు ఏర్పాటు చేయాలని నిర్ణయించింది. వీటితోపాటు మరో ఐదు మార్కెట్ యార్డుల ఏర్పాటుకు ప్రతిపాదనలను ప్రభుత్వం పరిశీలిస్తున్నట్లు వ్యవసాయ శాఖ వర్గాలు వెల్లడించాయి.
వ్యవసాయ మార్కెట్ యార్డ్ అంటే ఏమిటి?
వ్యవసాయ ఉత్పత్తి మార్కెట్ కమిటీ (APMC) యార్డ్ / నియంత్రిత మార్కెట్ కమిటీలు (RMC) యార్డ్ అనేది మార్కెట్ కమిటీ నిర్వహించే మార్కెట్ ప్రాంతంలోని ఏదైనా ప్రదేశం, ఇది నోటిఫైడ్ వ్యవసాయ ఉత్పత్తులు మరియు పశువులను భౌతికంగా, ఎలక్ట్రానిక్ లేదా ఇతర రీతిలో మార్కెటింగ్ నియంత్రించడానికి ఉద్దేశించబడింది.
మార్కెట్ల ప్రాముఖ్యత 3 పాయింట్లు ఏమిటి?
మార్కెట్లు ఆర్థిక వ్యవస్థలో ఒక ముఖ్యమైన భాగం. ప్రభుత్వాలు, వ్యాపారాలు మరియు వ్యక్తులు తమ వస్తువులు మరియు సేవలను కొనుగోలు మరియు అమ్మకం చేయగల స్థలాన్ని అవి అనుమతిస్తాయి. కానీ అంతే కాదు. అవి వస్తువులు మరియు సేవల ధరలను నిర్ణయించడంలో మరియు ఆర్థిక వ్యవస్థలోకి చాలా అవసరమైన ద్రవ్యతను ప్రవేశపెట్టడంలో సహాయపడతాయి.
Read hindi news: hindi.vaartha.com
Read Also: