Siddipet murder case : సిద్ధిపేట జిల్లాలో దారుణ ఘటన చోటుచేసుకుంది. దుబ్బాక మున్సిపాలిటీ పరిధిలోని చెల్లాపూర్ వార్డుకు చెందిన కాంగ్రెస్ నాయకుడు వంగ బాల్ రెడ్డి శుక్రవారం హత్యకు గురయ్యారు. రాజక్కపేట గ్రామ శివారులో గుర్తుతెలియని వ్యక్తులు ఆయనపై దాడి చేసి హత్య చేసినట్లు సమాచారం. ఘటన విషయం తెలిసిన స్థానికులు పోలీసులకు సమాచారం అందించగా, పోలీసులు వెంటనే సంఘటనా స్థలానికి చేరుకుని దర్యాప్తు ప్రారంభించారు.
Read Also: Nara Bhuvaneswari: ప్రతి పాడి రైతుకు సాధికారత కల్పించడమే హెరిటేజ్ లక్ష్యం
ప్రాథమిక సమాచారం ప్రకారం బాల్ రెడ్డిపై దాడికి పాత కక్షలు, భూ వివాదాలు లేదా వ్యక్తిగత విభేదాలు కారణమా అన్న కోణంలో పోలీసులు విచారణ చేపట్టుతున్నారు. ఆయనకు శత్రుత్వాలు ఉన్నాయా అనే దిశలో కూడా దర్యాప్తు కొనసాగుతోంది. సంఘటనా స్థలానికి పెద్ద సంఖ్యలో గ్రామస్తులు చేరుకుని ఘటన వివరాలు తెలుసుకోవడానికి ప్రయత్నించారు.
ఈ హత్య ఘటన దుబ్బాక నియోజకవర్గ వ్యాప్తంగా తీవ్ర చర్చనీయాంశంగా మారింది. స్థానిక రాజకీయాల్లో ఉద్రిక్తత వాతావరణం నెలకొనగా, పూర్తి వివరాలు పోలీసుల దర్యాప్తులో వెలుగులోకి రావాల్సి ఉంది.
Read hindi news: hindi.vaartha.com
Read Also Epaper : epaper.vaartha.com
Read Also: